قزاقستاننینگ تورکستان ولایتیده جایلشگن «کیلیس» تومنیدهگی قشقر آته قیشلاغیده کیلیس دریاسی اوستیدن اوتگن کوپریک قولب توشدی.
یېتکرمهلرنینگ معلوماتیگه کوره، بو حادثه ۲۷-قوس/۱۸-دسمبر، پنجشنبه کونی صادر بولگن.
معلوماتلر گه کوره، کوپریک قولشی آلدیدن اونده یاریقلر تاپیلگنی سیزیلگن و خوفسیزلیک چارهسی صفتیده حرکت وقتینچه چېکلنگن. شو باعث حادثه وقتیده جبرلنگنلر قید ایتیلمهگن.
عینی پیتده واقعه جاییده فوقالعاده وضعیتلر خذمتی، حقوق-ترتیبات ارگانلری و محلی اجرائیه حاکمیتی وکیللری ایش آلیب بارماقده.
دستلبکی خلاصهلر گه کوره، کوپریکنینگ اېسکیرگنی و تیهنچ ستونلری آستی سوو آقیمی تأثیریده یوویلیب کیتگنی فاجعه گه سبب بولگن.
معلوم قیلینیشیچه، اوشبو کوپریک تورکستان ولایتی یولاوچی ترانسپورتی و موتر یوللری باشقرمهسی تصرفیده بولیب، حاضرده و فوقالعاده ترتیبده تأمینلنماقده. کوپریک اطرافیدهگی حدودلر اهالیسیگه وقتینچهلیک ۱۵-۱۰ کیلومترلی ایلنمه یوللریدن فایدهلنیش توصیه اېتیلگن.
