اوشبو پارتلش بوگون (سه‌شنبه ۶- عقرب) ایرته‌لب پشاور شهریده یوزبیرگن.
پاکستان‌لیک رسانه‌لر تامانیدن ترقله‌تیلگن گزارش‌لرگه کوره، اوشبو پارتلش ده ۷ کیشی هلاک و ۱۰۰ دن آرتیق کیشی یره‌لنگن.
یره‌لنگن‌لردن قطاری نینگ ساغلیک وضعیتی یمان دیر.
پشاور شهری نینگ امنیتی مسووللری گه کوره، اوشبو پارتلش “سپین جومات” مدرسه‌سیده اوقوچی‌لر تعلیم کوریب تورگن بیرچاغده یوزبیرگن.
پشاور شهری امنیت مسوولی وقار عظیم نینگ ایتیشیچه، پارتلش ماده بیر بکس گه جایلشتیریلب مدرسه گه آلیب باریلگن، لیکن پارتلش مسوولیتی نی حاضر گچه هیچ بیر گروه اوز بوینیگه آلمه‌گن.
