تخار خوفسیزلیک مسئوللری نینگ ایتیش‌لریچه، اوشبو ولایت نینگ ینگی‌قلعه تومنی حدود‌لریده ۷۰ یاشر بیر ایرکک، اوزی نی اوققه توتیب حیاتی گه نقطه قویگن.
تخار امنیه قوماندانلیگی سوزلاوچیسی عبدالمبین صافی نینگ سلام‌وطندار گه ایتیشیچه، عبدالاحمد اسملی اوشبو ایرکک، بوگون (جمعه، ۱۵-ثور) اوزی نی اولدیرگن.
بیزلرنینگ فیسبوک صحیفه‌میزگه باش اورینگ!
تخار امنیه قوماندانلیگی سوزلاوچیسی نینگ کوپه‌یتیریشیچه، اوشبو ایرکک ینگی‌قلعه تومنی نینگ «هزاره‌قشلاق» قیشلاغی یشاوچیسی ایکن و «چره‌ای» تیپلی قورال بیلن اوزی نی اوققه توتیب حیاتی گه نقطه قویگن.
تخار امنیه قوماندانلیگی سوزلاوچیسی، عبدالاحمد نینگ عایله اعضاسی‌دن نقل قیلیب ایتیشیچه، او ایکی ییل‌دن بیری روحی کسل‌لیککه چلینگن ایکن و انه‌شوو سبب، اوزی نی اولدیرگن.
عبدالمبین صافی نینگ اورغولشیچه، ینگی‌قلعه تومنی نینگ امنیه قومانلیگی پرسنلی، اوشبو موضوع نینگ بیللی بولیشی اوچون، تیکشیروولری نی باشلگن.
ایتیش کیره‌ک که، سونگی کون‌لر مملکت بویلب اوزی نی اولدیریش واقعه‌لری کوپه‌یگن دیر.
بیزلرنینگ توییترده هم تعقیب قیلینگ!
سونگی بیر مورد‌ده، چهارشنبه کونی ۱۳-ثور، میدان‌وردک‌ده ۷۰ یاشر بیر ایرکک اوزی نی دار گه آسیب حیاتی گه نقطه قویگن. شونینگدیک چهارشنبه کیچه، ۱۳-ثور بدخشان ده بیر عیال هم سیچقان دارو‌سی ییب اوزی نی اولدیرگن.
افغانستان ده اوزی نی اولدیریش واقعه‌لریدن کوپینچه‌سی نینگ سببی، عایله‌وی جنجل‌لر و قشاقلیک عنوان قیلینه‌دی.
