پروان خوفسیزلیک مسئوللری اوشبو ولایت جبل‌سراج تومنی اطرافیده ۵۰ یاشر بیر ایرکک نینگ خودکشلیک قیلگنیدن خبر بیرگنلر.
غلام‌ربانی اسم‌لی مذکور ایرکک جبل‌السراج تومنی نینگ «کوچه‌ی پایان گلبهار» قیشلاغی یشاوچیسی ایکن.
بیزلرنینگ توییترده هم تعقیب قیلینگ!
پروان امنیه قوماندانلیگی سوزلاوچیسی محمد‌کامران حبیبی نینگ سلام‌وطندار گه ایتیشیچه، غلام‌ربانی اوتگن کون (یک‌شنبه، ۳۰-دلو) توش‌دن آلدین ساعت ۱۰:۲۰ اطرافیده، آو قورالی بیلن اوزی نی اوققه توتیب حیاتی گه نقطه قویگن.
باشقه بیر تامان‌دن، جبل‌السراج ولسوالی عبدالمعروف حق‌جو، اوشبو ایرکک نینگ اقارب‌لریدن نقل قیلیب و ایتیشیچه، غلام‌ربانی نینگ روانی کسل‌لیگی بار ایکن.
پروان امنیه قوماندانلیگی سوزلاوچسی نینگ اورغولشیچه، خوفسیزلیک کوچلر بو توغریده تیکشیرولری نی باشله‌گنلر.
عین حالده، سونگی کون‌لرده مملکت نینگ قطار ولایت‌لریده خودکشلیک واقعه‌لر کوپه‌یگن دیر.
بیزلرنینگ فیسبوک صحیفه‌میزگه باش اورینگ!
سونگی مورد‌ده، شنبه کونی جوزجان مرکزی شبرغان شهری اطرافیده یاش بیر عیال و شونینگدیک دایکندی ولایتی شهرستان تومنی اطرافیده یاش بیر قیز اوزی نی اولدیریب حیاتی گه نقطه قویگن.
مملکت‌ده یوز بیره‌دیگن خودکشلیک واقعه‌لردن کوپینچه‌سی نینگ سببی، قشاق‌لیک و عایله‌وی زوره‌وانلیک‌لر دیلگن.
