اوشبو وزیرلیک بیر بیانیه ترقه‌تیش بیلن یازیشیچه، صناعت و سودا وزیرلیگی سرپرستی نورالدین عزیزی ۶-حمل، چهارشنبه کونی توش‌دن کیین، مملکت تدبیرکارلیک سکتوری‌نی مستحکم‌لش و قوللب-قوتلش اوچون ۱۲ موسسه بیلن همکارلیک شرط‌نامه‌لر‌نی امضا قیلگن.
بیزلرنینگ «ایکس» ترماغی ده هم تعقیب قیلینگ!
صناعت و سودا وزیرلیگی سرپرستی، مذکور برنامه‌ده اسلام امیرلیگی سیاستی و لایحه‌لر‌نی عمل‌گه آشیریش‌ده عملی یانده‌شوو‌یگه تاکید‌لب و ایتیشیچه: «بو وزیرلیک کیره‌کلی حجت‌لر‌نینگ وقتی‌ده امضا‌لنیشی اوچون سیزلر‌نی تشویق قیلیش و ایشلرینگیز پروسه‌سی تیزلنتیریلیشی مقصد دایم سعی‌وحرکت قیلگن.»
نورالدین عزیزی، مذکور موسسه‌لر مسئوللری‌دن لایحه‌لر‌نینگ مالی حمایت‌چیلری‌‌گه اوز ریجه‌لر‌نی تقدیم ایتیش‌ده مهاجرلر‌نینگ اولویت بیریلیشینی ایستهگن.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه: «اوشبو ۱۲ موسسه آرقه‌لی بیر میلیون ۵۵۳ مینگ ۱۸۰ دالر‌لیک ظرفیت آشیریش، عایله‌لر گه درآمد قولگه کیلتیرووچی ایشلر، سلمه‌دوزلیک دیزاین‌لرنی تعلیم بیریش و کیچیک تجارت‌لر مدیریتی، قیتگنلر اوچون برقرار یشش امکانیت‌لر‌دن فایده‌لنیش امکانیتی‌نی آشیریش، تدبیرکارلر اوچون گرافیک دیزاین‌نی اورگه‌تیش و قالین توقیش کبی لایحه‌لر‌نی مملکت‌نینگ ۱۲ ولایتی‌ده عمل‌گه آشیریلیشی‌گه قرار آلینگن.»
صناعت و سودا وزیرلیگی‌نینگ ایتیشیچه، مذکور لایحه‌لر‌دن قندوز، لوگر، فاریاب، ننگرهار، کابل، بدخشان، بامیان، هرات و تخار ولایت‌لریده ۱۰۰۷ کیشی مستقیم شکلده فایده‌لنه‌دی.
