هرات ده مسئوللرنینگ ایتیشلریچه، آزیق-آوقت و باشقه نرسهلردن عبارت بولگن تورکیهنینگ ۹۲۲ تُنلیک انسانسیورلیک یاردملری، اوشبو ولایتگه ییتیب کیلگن.
مذکور مملکتنینگ یاردملری اوتگن کون (۳-میزان، پنجشنبه)، هرات ولایتی روزنک تیمیر یولیده، افغان قیزیل آی جمعیتیگه تاپشیریلگن.
بیزلرنینگ «ایکس» ترماغی ده هم تعقیب قیلینگ!
سره میاشت عمومی ریاستی اورینباسری عزیزالرحماننینگ ایتیشیچه، افغان قیزیل آی جمعیتی بو یاردملرنی انیق و عادلانه شکلده، مملکت بویلب جبرلنگن و نیازمند عایلهلر آرهسیده ترقهتیشی ممکن.
شونینگدیک قیزیل آی و قیزیل خاچ خلقارا فدراسیون اورینباسری احمد سلیماننینگ ایتیشیچه، خلقارا فدراسیون افغان قیزیل آی جمعیتی آرقهلی افغانستان اهالیسیگه یاردم بیرهدی.
بیزلرنینگ فیسبوک صحیفهمیزگه باش اورینگ!
هرات ده تورکیه باشقنسولی سینان الهان، افغانستان گه تورکیهنینگ یاردم یوکلری یوباریلیشی دوام قیلیشیگه تاکید قیلگن.
ایتیش کیرهک که، اوتگن کونی هرات ولایتی محلی مسئوللری، شونینگدیک قزاقستاننینگ ۲۶ واگن گه یوکلنگن انسان سیورلیک یاردملری هرات گه ییتیب کیلگنینی معلوم قیلگن ایدیلر.
