افغانستان انسان حقلری مستقل کمیسیونی “جبری معاینه” خصوصیده بیر تحقیقی گزار ترقتگن. ترقلگن گزارشگه کوره، ۱۲۹ عیال بیلن بولگن سوزلشوده یالغیز بیر عیال عدلی طب معاینه‌سی محکمه بویروغی بیلن صورت تاپگنی‌نی بیلدیرگن.
اوشبو گزارشگه کوره، ۹۲.۳ فایز “جبری معایینه” عیاللر رضایتی بولمه ی همده محکمه بویروغی بولمسدن عملگه آشیریلگن، لیکن ۹ عیال ایسه اوز رضایت لری همده ایستکلری بیلن معایینه بولیش نی قبول قیلگنلر و اوز رضایت لر بیلن باریشدن اصلی هدف اولر حقیده بولگن تهمت لرنی اورته دن آلیب کیتیش بولگن.
انسان حقلری مستقل کمیسیونی تمانیدن ترقلگن گزارشده، مذکور ۱۲۹ عیال اوتگن اوچ ییل جریانیده عدلی طب معایینه سی جزا کودی عملگه آشیریلیش بویروغی بیریلگنیدن سونگ افغانستان نینگ ۱۳ ولایتیده جبری معایینه نی اوتکزیب، کمیسیون سوراقلریگه جواب قیترگنلر.
کمیسیون تمانیدن ترقلگن گزارشگه کوره، سوزلشو اوتکزگن عیاللر نینگ ۶۲ ته سی تورمیش قورگن، ۳۴ ته سی مجرد، ۱۲ ته سی نامزاد، ۱۴ ته سی بیوه و ۷ ته سی مطلقه بولگن.
مذکور ۱۲۹ عیال نینگ ۷۸ ته سی حبس ده، ۹ ته سی پولیس نظارت خانه سیده و ۴۲ ته سی امن اویلرده بولگنلر.
عینی حالده انسان حقلری مستقل کمیسیونی ایتیشیچه، جنسی زورآورلیک، زنا و لواط فعلی نی ثبوت قیلیش اوچون بکارت تیستی اوتکزیش، توهین و حقارت بولگن.
کمیسیونگه کوره، تیست انجام بیریش بیرلشگن دولتلر قانونیگه قرشی بولیب، بیرلشگن دولتلر سازمانی، انسان حقلری جهانی اعلامیه سی و اوریب ینچیش گه توسیق بولیش کنوانسیونی نینگ سیاسی و مدنی اعلامیه لریگه شامل بولمگن.
انسان حقلری مستقل کمیسیونی گه کوره، اوشبو تیست اوتکزیلیشی، عیال نینگ انسانی کرامتی گه قرشی بیر عمل بولگن.
کمیسیون تمانیدن ترقلگن گزارش کوره، سوزلشو اوتکزگن عیاللر ایریم تهمت لر بیلن اوشلنیب، تیست اوچون عدلی طب گه یوباریلگن.
ترقلگن گزارشده، ۶۰ عیال زنا فعلیگه عیب لنیب، ۳۱ عیال اویدن قاچیش فعالیگه عیب لنیب، ۲۳ عیال قتلگه متهم بولیب، ۶ عیال جنسی زورآورلیک فعلی تثبیتی اوچون، ۳ عیال اوغیرلاوچیلیک قضیه سیده قولی بولگنی، ۳ عیال قاچاق چیلیک قیلگنی، ۲ عیال یلغان خبر بیریش قضیه سیده عیب لنیب و ۱ عیال اویدن قاچیب لواط فعلیگه عیب لنیب، پولیس و خوفسیزلیک کوچلری تمانیدن اوشلنگن.
اوشبو گزراشده، ۱۲۹ عیالدن ۶۴ عیال پولیس تمانیدن، ۳۲ عیال باشقاره لاوچیلیک تمانیدن، ۵ عیال امن اویی مسووللری تمانیدن و ۴ عیال ملی خوفسیزلیک کوچلری تمانیدن ساغلیک مرکزی یاده هم عدلی طب گه تیست اوچون تانیشتیریلگنی یازیلگن.
ترقلگن گزارشگه کوره، مذکور ۱۲۹ عیالدن ۴۴ عیال بدنیده اسپروم بولیب بولمگنی تثبیت بولیشی اوچون، ۳۱ عیال بکارت پرده سی تیستی اوچون، ۲۹ عیال یقین کونلرده مجامعت قیلیب قیلمگنی تثبیتی اوچون و ۶ عیال جنسی زورآورلیک صورت تاپیب تاپمگنی اوچون عدلی طب گه تنیشتیریلگن.
لیکن مذکور ۱۲۹ عیالدن ۱۹ عیال عدلی طب مسووللری نینگ سوراق لریگه جواب قیتر مگنلر.
کمیسیون تماتیدن ترقلگن گزارش گه کوره، مذکور ۱۲۹ عیالدن ۱۰۰ عیال نینگ تیستی عیال داکترلر تمانیدن انجام بیریلگن. لیکن ۴ عیال نینگ تیستی جزا قانونی نینگ ۴۹ نچی ماده سی قرشی ایرکک داکترلر تمانیدن انجام تاپگن، اما ۲۵ عیال ایسه کیملر تمانیدن تیست بولگنی حقیده جواب بیرمه گن.