اندونیزیا، تایلند و سریلانکا عملدارلری، اوشبو مملکتلرده سوو تاشقینلری و ییر سیلجیشی عاقبتیده اولگنلر سانی ۹۰۰ دن آرتیب و یوزلب کیشی یوقالگنینی ایتگنلر.
خلقارا یېتکرمهلر، بوگون (۱۰-قوس/۱-دسمبر، دوشنبه)، گزارش ترقهتیب، آسیا جنوبیده موسمی یاغینگرچیلیک کوپینچه زیان یېتکزگنینی معلوم قیلگنلر.
معلوماتلر گه کوره، سریلانکاده سوو تاشقینی و ییر سیلجیشیده قربانلر رقمی ۳۳۴ کیشی گه یېتگن و شونینگدیک بو مملکت پایتختینینگ ایریم حدودلری سوو آستیده قالگن. اوشبو مملکت رسمیلری بو واقعهنی میلادی ۲۰۰۴-ییل سونامیدن کېین اېنگ بویوک طبیعی فاجعه دیب اعلان قیلگنلر.
اندونیزیا رسمیلری هم، کوچلی یاغینگرچیلیک، سوو تاشقینی و ییر سیلجیشی نتیجهسیده حاضرگه قدر ۴۴۲ کیشی هلاک بولیب و ۴۰۲ کیشی یوقالگنینی معلوم قیلگنلر.
شو بیلن بیرگه تایلند ده هم، کوچلی یاغینگرچیلیک و سوو تاشقینلریده چمهسی ۱۶۲ کیشی هلاک بولگنی ایتیلگن.
اوشبو اوچ مملکت عملدارلری آگاهلنتیریب، یاغینگرچیلیک دوام تاپیب و اوزاق حدودلرده یېتیب باره آلمهگن حالده، تلفات رقمی آشیشی ممکن دیگنلر.
