اسرائیل‌نینگ غزه گه ینگی هجوملری عاقبتیده باله‌لر شامل چمه‌سی ۸۸ کیشی قربان بولیب و باشقه اونلب کیشی یره‌لنگن.
خلق‌ارا یېتکرمه‌لرنینگ معلوماتی اساسیده، بو کیشیلر اوشبو کون (۱-قوس، پنج‌شنبه) اسرائیل اردوسی‌نینگ غزه شمالی حدودلریده اویوشتیرگن هجوملریده قربان بولگنلر.
بیزلرنینگ فیسبوک صحیفه‌میزگه باش اورینگ!
معلوماتلر گه بناً، مذکور کیشیلرنینگ ۶۶ نفری اسرائیل اردوسی‌نینگ «بیت‌لاهیه» شهری و باشقه ۲۲ نفری «بیت‌رضوان» منطقه‌سیده‌گی هجومیده هلاک بولگنلر.
ایکّی کون آلدین اسرائیل باش وزیری بنیامین نتانیاهو، غزه‌ده حماس‌نینگ حربی آست قورمه‌لرینی یوق اېتگونچه هجوملری گه دوام بیریشینی اېتگن بیرحالده، بو هجوملر اویوشتیریلگن.
بیزلرنینگ «ایکس» ترماغی ده هم تعقیب قیلینگ!
اسرائیل و حماس اۉرته‌سیده توقنشوولردن باشلنگنیدن ۴۰۰ کوندن کوپراق اوتماقده و حاضرگه قدر فلسطین‌لیک ۴۳ مینگ ۹۸۵ کیشی قربان بولیب و باشقه ۱۰۴ مینگ ۹۲ کیشی یره‌لنگن. اوشبو مدت ایچیده اسرائیل‌لیک ۷۹۹ عسکر هلاک بولگن.
