فلسطین ساغلیقنی سقلش وزیرلیگی، اسرائیل حربی کوچلرینینگ غزه تورلی حدودلریده اویوشتیرگن هجوملری عاقبتیده ۸۵ کیشی هلاک بولیب و باشقه یوزلب کیشی یرهلنگنینی بیلدیرگن.
اوشبو وزیرلیک، بو کیشیلر ۲۴ ساعت دوامیده غزه تورلی حدودلریده اسرائیل حربی کوچلرینینگ هوا هجوملری و اوق آتیشلری عاقبتیده هلاک بولگنینی قوشیمچه قیلگن.
فلسطین ساغلیقنی سقلش وزیرلیگی گه کوره، اسرائیل هجوملری طفیلی اکثر قربان بولگنلر غزه شهری اهالیسی بولگن.
شو بیلن بیرگه، اسرائیل بو مملکتنینگ حربی پیاده کوچلری غزه شهری ایچیده کیرماقده و هوا کوچلری اېسه اولرنی قۉللب-قوتلشینی بیلدیرگن.
اسرائیل و حماس اورتهسیده توقنشوولر باشلنگنیدن قریب ایکی ییل اوتماقده و اوشبو مدت ایچیده اوروش گه چېک قوییش و غزهده دایمی آتیش کېسین برقرار اېتیلیشی اوچون دنیا بویلب سعی-حرکتلر هلیگچه نتیجه بیرمهگن.
فلسطین ساغلیقنی سقلش وزیرلیگینینگ معلوماتی گه کوره، حماس و اسرائیل اورتهسیده اوروش باشلنگنیدن حاضرگه قدر ۶۵ مینگدن آرتیق فلسطینلیک هلاک بولیب و باشقه ۱۶۴ مینگدن آرتیق کیشی یرهلنگن.
