سرپرست حکومت فواید عامه وزیرلیگی رسمی‌لری، سۉنگی بیر هفته ایچیده مملکت تیمیر یوللری آرقه‌لی ۷۶ مینگ ۷۶ متریک تُن توار آلیش-بیریش بولگنینی معلوم قیله‌دیلر.
فواید عامه وزیرلیگی سۉزلاوچیسی محمداشرف حق‌شناس، بوگون (۲۵-حمل، دوشنبه) ایکس صحیفه‌سیده بیر بیانیه ترقه‌تیب، ۱۵دن ۲۱- حمل گه قدر مملکت تیمیر یوللری آرقه‌لی ۷۶ مینگ ۷۶ تُن توار آلیش-بیریش بولگنینی یازگن.
بیزلرنینگ فیسبوک صحیفه‌میزگه باش اورینگ!
اونگه کوره، اوشبو مدت ایچیده، حیرتان بندری آرقه‌لی ۶۱ مینگ ۲۴۰ تُن، آقینه بندری آرقه‌لی ایکّی مینگ ۶۸۱ تُن، تورغندی بندری آرقه‌لی ۱۰ مینگ ۳۵۶ تُن و خواف-هرات بندری آرقه‌لی بیرمینگ ۷۹۹ تُن توار آلیش-بیریش بولگن.
فواید عامه وزیرلیگی سۉزلاوچیسی گه کوره، صادر اېتیلگن ۱۳ مینگ ۴۴۰ تُن توارنینگ کوپ مقدارینی قوریق میوه، انار سووی، کینو و کچالو شونینگدیک، مملکت گه وارد اېتیلگن توارلرنینگ کوپ مقدارینی تیل، گاز و باشقه ماده‌لر تشکیل بیرگن.
بیزلرنینگ «ایکس» ترماغی ده هم تعقیب قیلینگ!
تیمیر یولی آرقه‌لی آلیش-بیریش مقداری آشگن حالده، ایش امکانیت‌لری یره‌تیلیب و مملکت درآمدی کوپه‌یشیگه سبب بولیشینی معلوم قیلگن، فواید عامه وزیرلیگی سۉزلاوچیسی محمداشرف حق‌شناس.
اونگه کوره، اسلام امیرلیگی مملکت اۉزینی-اۉزی تأمینلش و اقتصادی نقطه-نظردن اۉزینی تېکلش اوچون بوتون سوداگرلرنینگ آلیش-بیریشیگه قولی‌لیک یره‌تیش مقصدیده سعی-حرکت قیلماقده.
