بلخ ساغلیقنی سقلش مسئوللری، اوشبو ولایتده اوتگن آلتی آی ایچیده توپلهنیلگن صفتسیز و تاریخی اوتگن ۷۲ تُن دارو، آلاو بیریلگنینی اېتهدیلر.
بلخده آزیق-آوقت و دارو اداره باشلیغی نجیبالله توانا، بوگون (۱۲-جوزا، دوشنبه) بو دارولر اوشبو ولایتنینگ ساغلیق مرکزلری و داروخانهلریدن توپلهنیلگنینی معلوم قیلهدی.
بیزلرنینگ فیسبوک صحیفهمیزگه باش اورینگ!
اونگه کوره: «اوتگن آلتی آی ایچیده نظارتی تیملریمیز بیرمینگ ۳۰۰ داروخانه و ۳۰۰ دن کوپراق آزیق-آوقت مرکزلرینی تېکشیرگن، صفتسیز و تاریخی اوتگن ۷۲ تُن دارونی ییغیب و آلاو بیریش گه اولگورگنلر.»
ساغلیقنی سقلش وزیرلیگی بوندن اول، مملکتنینگ باشقه ولایتلریده هم صفتسیز و تاریخی اوتگن دارولر و آزیق-آوقت توپلهنیلیب و یوق قیلینگنیدن خبر بیرگن اېدی.
بیزلرنینگ «ایکس» ترماغی ده هم تعقیب قیلینگ!
تشقی مملکتلردن صفتسیز و تاریخی اوتگن دارو و آزیق-آوقت آلیب کېلینیشی، یشاوچیلرنینگ سلامتلیگی برابریده جدی قیینچیلیکلردن حسابلنهدی.
