بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، اوتگن آی نوار غزهده امریکا واسطهچیلیگی بیلن برقرار بولگن آتیش کیسین کیلیشووی عملگه آشیریلگنیدن بویان، اسرائیل آرقهلی اویوشتیریلگن هجوملر نتیجهسیده ۶۷ فلسطینلیک بالهنینگ قربان بولگنینی معلوم قیلگن.
الجزیره خبری ترماغینینگ گزارش بیریشیچه، آتیش کیسین برقرار بولگنی بیلن، اسرائیل اردوسی ینه هم نوار غزهنینگ بیر قطار بولیملریگه هجوملرینی دوام بیرماقده.
یونیسف سوزلاوچیسی ریکاردو پیرس، اوتگن کون (۳۰-عقرب، جمعه)، ژنو ده اوتکزیلگن خبری بیر ییغیلیشده ایتیشیچه، اسرائیل آرقهلی اویوشتیریلگن ینگی هجومده، غزه جنوبیده جایلشگن خانیونسده بیر قیز چقهلاق قربان بولگن.
یونیسف سوزلاوچیسینینگ کوپهیتیریشیچه: «بولر کیلیشیلگن بیر آتیش کیسینده یوز بیرگن. بیر نیچه مرته ایتگنیمیز کبی بولر رقم ایمس، اولردن هر بیری عایلهسی بیلن بولگن بالهلر ایدی، آرزو و یششگه ایگه بولگن بالهلر ایدی، لیکن زورهوانلیک دوام ایتیشی نتیجهسیده حیاتی بیردن یکونلندی.»
یونیسف اوتگن آی، ۲۰۲۳-ییل اکتبر آییده اوروش باشلنگنیدن بویان اسرائیل هجوملری عاقبتیده ۶۴ مینگ بالهنینگ اولیب و یرهلنگنینی معلوم قیلگن ایدی.
