اسرائیل اردوسی نینگ غزه جنوبی و مرکزی حدودلریده هجومی عاقبتیده فلسطین‌لیک کمیده ۵۷ کیشی هلاک بولگن.
حماس و اسرائیل اۉرته‌سیده آتیش کېسین مذاکره‌لری توخته‌تیلگن بیرحالده، مذکور مملکت اردوسی ۲۶-سرطان، سه‌شنبه کونی غزه نینگ بیرقطار حدودلریده کېنگ کولمده هجوملری گه دوام بیرگن. معلومات‌لر اساسیده اسرائیل نینگ غزه مرکزی و جنوبی حدودلریده اۉیوشتیرگن هجوملری عاقبتیده چمه‌سی ۵۷ کیشی قربان بولگن.
بیزلرنینگ فیسبوک صحیفه‌میزگه باش اورینگ!
رویترز نینگ گزارشی اساسیده، اسرائیل اردوسی اوشبو هجوملریده بیرلشگن ملتلر تشکیلاتی گه عاید بیر مکتب نی نشانگه آلگن، بو هجومده ۲۳ کیشی هلاک بولگن.
معلومات اساسیده، اسرائیل حماس جنگری‌لرینی اوشبو مکتب ایچیدن اوق آتیش گه عیبله‌گن. اسرائیل اردوسی، حماس و اسلامی جهاد ییریک اعضالرینی نشانگه آلیش مقصدیده بو هجوم نی اۉیوشتیرگنینی اېتگن.
بیزلرنینگ «ایکس» ترماغی ده هم تعقیب قیلینگ!
غزه ساغلیق‌نی سقلش مسئوللری نینگ معلوماتی اساسیده، حماس و اسرائیل اۉرته‌سیده اوروش باشلنگنیدن حاضرگه قدر فلسطین‌لیک باله‌لر و عیال شامل ۳۸ مینگ ۷۱۳ کیشی قربان بولگن.
