فلسطین ده ساغلیقنی سقلش رسمیلرینینگ اعلام قیلیشیچه، اسرائیل آرقهلی غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۵۳ کیشی قربان بولیب و اونلب کیشی یرهلنگن.
خلقارا ییتکرمهلرنینگ گزارش بیریشیچه، اوشبو کیشیلر تورلی بولیملر جملهدن غزه شهریگه اسرائیل اردوسینینگ اویوشتیرگن هجوملریده قربان بولگنلر.
بو بیلن بیرگه، نوار غزه گه اسرائیل اردوسینینگ بوگون (جمعه، ۲۱-سنبله)، اویوشتیرگن هجومی عاقبتیده، بیر عایلهنینگ ۱۴ اعضاسی شامل ۲۵ فلسطینلیک قربان بولگن.
اسرائیل سونگی کونلرده غزه شهری و اونینگ شمالی حدودلریگه هجوملرینی کوچهیتیرگن.
غزه مدنی مدافعه سوزلاوچیسی محمود بصلنینگ اعلام قیلیشیچه، اسرائیل هجوملری و غزه شهرینینگ کینگ کولملی شکلده خراب قیلینیشی، کمیده بیر هفته ایچیده بو شهر یشاوچیلریدن ۵۰ مینگدن آرتیغینینگ آواره قیلگن.
حماس و اسرائیل آرهسیده اوروش باشلنگنیدن قریب ایکی ییل اوتیب و فلسطین ساغلیقنی سقلش وزیرلیگیگه کوره، بو مدتده ۶۴ مینگ ۶۰۰دن آرتیق فلسطینلیک قربان بولیب و ۱۶۳ مینگ ۵۰۰ دن آرتیق کیشی یرهلنگن. شونینگدیک اوشبو مدتده بیر مینگ ۱۳۹ اسرائیللیک هلاک بولگن.
