بیرلشگن ملتلر تشکیلاتینینگ آزیق-آوقت و ایکینچیلیک دستوری (فائو)، افغانستان ده ۵۲۵ ته مهییزخانه همده پیاز و کچالونی سقلش قوریلمهلری قوریلگن.
اوشبو نهادنینگ بوگون (۲۵-قوس، سهشنبه)، اکس صحیفهسیده، مذکور مهییزخانهلر همده پیاز و کچالو امبارلرینینگ افغانستان مرکزی، شمالی، جنوبی و غربی منطقهلرده قوریلگنینی یازگن.
بیرلشگن ملتلر تشکیلاتی آزیق-آوقت و ایکینچیلیک دستورینینگ کوپهیتیریشیچه، اوشبو مهییزخانهلر همده کچالو و پیاز امبارلری، دنیا بانکی یاردمی بیلن قوریلگن.
بیرلشگن ملتلر تشکیلاتینینگ مذکور نهادیگه کوره، بو امبارلر قوریلگنی محصوللرنینگ کوپ وقتگچه سقلهنیشی، ییغیم-تیریمدن کیین محصوللر چیقیندیلری کمهیشی و دهقانلر درآمدی آشیشیگه یاردم بیرهدی.
شونینگدیک بوندن آلدین هم بیرلشگن ملتلر تشکیلاتینینگ آزیق-آوقت و ایکینچیلیک دستوری، افغانستاننینگ تورلی ولایتلریده پیاز و کچالو سقلهنیشی اوچون ۳۶۰ ته امبار قورگنیدن خبر بیرگن ایدی.
مهییز، پیاز و کچالو، افغانستاننینگ اینگ مهم ایکینچیلیک محصوللریدن بولیب، ییلده اونینگ بیر قسمی مملکتدن تشقی جملهدن هندوستان و پاکستان گه صادر بولهدی.
