قیزیل آی و قیز خاچ جمعیت‌لری نینگ خلق‌ارا فدراسیونی یا-ده (IFCR)، جاپان دولتی یاردمی بیلن تورت آی‌لیک کورس‌ده عایله‌لری نینگ سرپرستی بولگن ۵۰۰ عیال گه سوداگرلیک، بازار قیدیریش، تیکووچیلیک، گلدوزلیک، خامک‌دوزلیک و تاووقچیلیک ایشلرینی اورگتگنلر.
بو نهاد بوگون مذکور ایش اورگنیش دور نینگ یکونی‌ده، اوشبو عیاللر گه تیکووچیلیک و تاووقچیلیک اوسکونه‌لرینی ترقه‌تگنلر.
بیزلرنینگ «ایکس» ترماغی ده هم تعقیب قیلینگ!
مذکور تورت آی‌لیک کورس نینگ یولگه قوییگن مسئوللر گه کوره، ۵۰۰ عیال‌دن ۵۴ ته‌سی تاووقچیلیک و ۴۴۶ ته‌سی ایسه تیکووچیلیک، گلدوزلیک، خامک‌دوزلیک و تاووقچیلیک بولیم‌لریده تعلیم کورگنلر.
مذکور برنامه‌ده‌گی ایش اورگتووچیلردن نوریه برمک نینگ ایتیشیچه، بو برنامه نینگ یولگه قوییلگنی‌دن مقصد، عیاللر نینگ ایشلش و درآمد قولگه کیلتیریش گه تشویق قیلیش دیر. اونینگ کوپه‌یتیریشیچه: «بو برنامه تورت آی ایدی، بیر آیی سوداگرلیک اوچون ایدی. اوشبو اوسکونه‌لر ترقه‌تیلگنی‌ده اولر بازار قیدیره‌دیلر، ۵ ولایت‌ده ۵۰۰ عیال یخشی درآمد قولگه کیلتیره‌دی؛ کابل، هرات، مزارشریف، قندهار و جلال‌آباد ده بو برنامه یولگه قوییلگن ایدی.»
شونده‌ی بیرحالده، قیزیل آی و قیزیل خاچ جمعیت‌لر نینگ خلق‌ارا فدراسیونی ایشلاوچیلریدن بیری عمران‌الله کامران نینگ ایتیشیچه، اوشبو تعلیمی دور‌ده تیکووچیلیک‌نی اورگنگن عیاللر اوچون، ۴۰۰ دالر‌لیک تیکووچیلیک اوسکونه و تاووقچیلیک بولیمی‌ده تعلیم کورگن عیاللر گه ۲۴ مینگ‌دن آرتیق افغانی‌لیک اوسکونه و تاووق ترقه‌تیلگن.
جناب کامران نینگ کوپه‌یتیریشیچه، اوشبو برنامه جاپان مملکتی و قیزیل آی و قیزیل خاچ جمعیت‌لر نینگ خلق‌ارا فدراسیونی آرقه‌لی مالی حمایت بولیب و بو لایحه نینگ عمل گه آشیرگنلر ایسه «روکیان» موسسه‌سی دیر.
عین حالده، بو دور نی بیتیرگن سرپرست‌سیز عیال‌لردن قطاری، مذکور کسب-هنر نینگ اورگنیش نی فایده‌لی بیله‌دیلر.
بیزلرنینگ فیسبوک صحیفه‌میزگه باش اورینگ!
تیکووچیلیک بولیمی نی بیتیرگن عیا‌لردن نسیمه نینگ ایتیشیچه: «تیکووچیلیک نی اورگندیم، تورموش اورتاغیم پودری و حاضر ایسه کسل‌خانه‌ده بستری دیر. عایله‌‌ده سکیز کیشی‌میز و اوزیم عایله سرپرستی‌مین. بو مدت‌ده تیکووچیلیک نی اورگندیم. خیر کورینگلر بو کسب نی اورگنیب و بو یول آرقه‌لی درآمد قولگه کیلیتره‌من.»
شونینگدیک مذکور ایش اورگنیش بولیمی‌ده تیکووچیلیک، موره‌دوزلیک و قیچی قیلیش نی اورگنگن عیال‌لردن بی‌بی ماری نینگ ایتیشیچه: «۴ آی بو ییرده ایدیم و ایش اورگندیم. حاضر ایش نی یخشی اورگندیم، هر نرسه نی قیچی قیلیب تیکه‌آله‌من. تورموش اورتاغیم اولگن. اوزیم عایله سرپرستی‌مین. بو ایش بیلن گاز، برق و شو رقم نرسه‌لر نینگ پولی نی قولگه کیلتیره‌من.»
ایتیش کیره‌ک که، ۳۱ میلیون افغانی‌لیک اوشبو پروژه خره‌جتی جاپان همده قیزیل آی و قیزیل خاج جمعیت‌لری نینگ خلق‌ارا فدراسیونی تامانیدن توله‌نیلگن.
