تدقیقاتلر گه کوره، هر کونی اتهیگی ۵ دقیقه قوشیمچه جسمانی مشقلر و اوتیریش وقتینی یریم ساعت گه قیسقرتیریش، میلیونلب آدملرنینگ اوزاقراق عمر کوریشیگه یاردم بیریشی ممکن.
متخصصلر بیلدیریشیچه، کیچیک کورینهدیگن بو عادت جمعیت سلامتلیگی اوچون کتته فایده کیلتیرهدی.
بویوک بریتانیا، امریکا، ناروی و سویدن دن ۱۳۵ مینگ کیشی اشتراک ایتگن تدقیقات نتیجهلریگه کوره، کونیگه قوشیمچه بیش دقیقه تیز یوریش کبی اورتچه آغیرراق جسمانی فعاللیک اولیم خوفینی تخمیناً ۱۰ فایز گه کمهیتیرهدی.
ناروی سپورت فنلر مکتبی باشچیلیگیده اوتکزیلگن تدقیقات، شونینگدیک، اوتیرگن حالتده اوتکزیلهدیگن وقتنی کونیگه ۳۰ دقیقه گه قیسقرتیریش برچه سببلر گه کوره اولیم حالتلرینی قریب ۷ فایز گه کمهیتیریشی انیقلنگن. یعنی کوپراق حرکت قیلیش و کمراق اوتیریش ساغلیق اوچون مهم اهمیت گه ایگه.
اینگ کتته ایجابی تأثیر هر کونی جسمانی فعاللیکنی کمیده بیش دقیقه گه آشیریش آرقهلی کوزهتیلگن. متخصصلر اورتچه آغیرراق مشغولاتلر – تیز یوریش، اوی یوموشلری یا کی باغدارچیلیک بیلن شغللنیش نفسنی تیزلشتیریب، تنهنی ایسیتیشینی ایتماقده. اوتیریش وقتینی کمهیتیریش ایسه سیکین یوریش یا کی یینگیل اوی ایشلری بیلن المشتیریلیشی ممکن.
شو بیلن بیرگه، ینه بیر تدقیقات گه کوره، اویقو جسمانی فعاللیک و آوقتلنیشدهگی کیچیک ایجابی اوزگریشلر بیرگهلیکده عمرنی سیزیلرلی درجهده اوزهیتیریشنی کورستهدی. مثلاً، بیش دقیقه کوپراق اوخلش، ایکی دقیقه اورتچه یا کی کوچلی جسمانی فعاللیک و کونیگه یریم بولیم کوپراق سبزهوات استعمال قیلیش ساغلام عادتلر گه ایگه بولمهگن انسانلر اوچون قوشیمچه بیر ییل عمر هدیه قیلیشی ممکن.
تدقیقات نتیجهلریگه کوره، اسلوب تورموش طرزی کونیگه ۷-۸ ساعت اویقو، ۴۰ دقیقهدن آرتیق جسمانی فعاللیک و ساغلام آوقتلنیش. بو عادتلر گه عمل قیلگنلر باشقهلر گه قرهگنده دییرلی ۱۰ ییل کوپراق عمر کوریشی ممکن.
