فلسطین ساغلیقنی سقلش رسمیلری، اسرائیل آرقهلی غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۴۵ کیشی قربان بولیب و اونلب کیشی یرهلنگنینی معلوم قیلگنلر.
خلقارا ییتکرمهلرنینگ گزارش بیریشیچه، مذکور کیشیلر اوتگن کونی اسرائیل اردوسی آرقهلی نوار غزهنینگ تورلی بولیملری نشانگه آلینگنی نتیجهسیده قربان بولگنلر.
بیزلرنینگ «ایکس» ترماغی ده هم تعقیب قیلینگ!
بو بیلن بیرگه، فلسطین ساغلیقنی سقلش وزیرلیگینینگ اعلام قیلیشیچه، اوتگن ۲۴ ساعتده ۸۴ کیشینینگ جسدی کسلخانهگه انتقال بیریلگن.
مذکور وزیرلیکنینگ کوپهیتیریشیچه، بو کیشیلردن قطاری اوتگن نیچه کون جریانیده اسرائیلنینگ اویوشتیرگن هجوملریده قربان بولیب و ینگیلیکده ویرانهلر آستیدن چیقریلگن.
بیزلرنینگ فیسبوک صحیفهمیزگه باش اورینگ!
اسرائیل و حماس آرهسیده اوروشلر باشلنگنیدن قریب ۱۸ آی اوتگن و بو مدتده، غزه ده دایمی آتیش کیسین برقرار بولیشی اوچون بولگن سعیوحرکتلر نتیجه بیرمهگن.
فلسطین ساغیلقنی سقلش وزیرلیگینینگ معلوماتی اساسیده، اسرائیل و حماس آرهسیده اوروشلر باشلنگنیدن حاضرگچه، فلسطینلیک ۵۱ مینگ ۴۳۹ کیشی قربان بولیب و ۱۱۷ مینگ ۴۱۶ کیشی یرهلنگن. شونینگدیک حماس بیلن توقنشوولرده اسرائیللیک بیر مینگدن آرتیق کیشی هلاک بولگن.
