فلسطین ده ساغلیقنی سقلش منبعلرینینگ اعلام قیلیشیچه، اسرائیل آرقهلی نوار غزهنینگ بیر قطار بولیملریگه اویوشتیریلگن هجوملر نتیجهسیده، کمیده ۴۳ کیشی قربان بولیب و یوزلب کیشی یرهلنگن.
خلقارا ییتکرمهلرنینگ گزارش بیریشیچه، اوشبو کیشیلر اوتگن کون غزهنینگ تورلی بولیملریگه اسرائیل اردوسی آرقهلی اویوشتیریلگن هجوملرده قربان بولگنلر.
گزارشلر اساسیده، بو کیشیلردن ۲۳ تهسی اسرائیل اردوسینینگ غزه شهریگه اویوشتیرگن هجوملریده قربان بولگن.
باشقه بیر تاماندن، اسرائیل اردوسی غزه شهری نظارتینی قولگه کیلتیریش و یشاوچیلرینینگ آواره قیلیش مقصد، ییر هجوملرینی کوچهیتیرگن.
فلسطین مدنی مدافعه تشکیلاتینینگ اعلام قیلیشیچه، غزه شهری نی باسیب آلیش اوچون اسرائیل هجوملری باشلنگنیدن و آگست آیینینگ سونگی کونلریده، بو شهردن ۴۵۰ مینگ فلسطینلیک آواره بولگن.
حماس و اسرائیل آرهسیده اوروش باشلنگنیدن قریب ایکی ییل بولگن و فلسطین ساغلیقنی سقلش وزیرلیگینینگ معلوماتی اساسیده، بو مدتده، فلسطینلیک ۶۵ مینگدن آرتیق کیشی قربان بولیب و ۱۶۴ مینگدن آرتیق کیشی یرهلنگن.
