غزه ساغلیق‌نی سقلش رسمی‌لری، اسرائیل اردوسی نینگ خان‌یونس ده هجومی عاقبتیده ۱۴ باله شامل ۳۳ کشی قربان بولگنینی معلوم قیلگنلر.
الجزیره یېتکرمه‌سی بوگون (۴-عقرب، جمعه) بو کیشیلر اسرائیل اردوسی نینگ خان‌یونس ده هجومی عاقبتیده قربان بولگنلرینی اېتگن.
بیزلرنینگ فیسبوک صحیفه‌میزگه باش اورینگ!
معلومات اساسیده، اوشبو کیشیلر اسرائیل اردوسی تمانیدن آتیلگن اوق‌لر و بمب‌لر طفیلی بوغیلیب هلاک بولگنلر.
اسرائیل اردوسی غزه شمالیده «کمال عدوان» کسلخانه‌سیگه هجوم قیلیب و مذکور کسلخانه ده‌گی یره‌دارلر و خادملری گه کسلخانه نی ترک اېتیش بویروغینی بیرگن.
غزه مدنی مدافعه سۉزلاوچیسی، کمال عدوان کسلخانه‌سیده ۱۵۰ دن آرتیق کسل و خادم قمراوگه قالگنینی اېتگن.
بیزلرنینگ «ایکس» ترماغی ده هم تعقیب قیلینگ!
حماس و اسرائیل اۉرته‌سیده توقنشوولر باشلنگنیدن بیر ییلدن کوپ اوتماقده و اوشبو مدت ایچیده غزه ده آتیش کېسین برقرار اېتیلیشی اوچون خلق‌ارا واسطه‌چیلر نینگ سعی-حرکتی حاضرگه قدر نتیجه بیرمه‌گن.
فلسطین ساغلیق‌نی سقلش وزیرلیگی نینگ معلوماتی اساسیده، حماس و اسرائیل اۉرته‌سیده اوروش باشلنگنیدن بیری، فلسطین‌لیک ۴۲ مینگ ۸۰۰ کیشی قربان بولیب و بیر یوز ۵۴۴ کیشی یره‌لنگن.