هرات سودا و سرمایه یاتقیزیش اتاق مسئوللری، قویاش ۱۴۰۴-ییلنینگ بیرینچی ۹ آییده، ۳۰ میلیون ۳۵ مینگ دالر قیمتی گه، افغانستان زعفرانی دنیا بازارلریگه صادر قیلینگنینی معلوم قیلدیلر.
اوشبو اتاق اجرائیه آمری محمدیوسف امین گه کوره، حاضرگه قدر ۲۲ تُن ۱۳۰ کیلوگرام زعفران صادر قیلینگن و دنیا بازارلریگه یوباریش جریانی همان دوام اېتماقده.
افغانستان زعفرانی کوپراق اروپا، امریکا، عرب مملکتلری، آسیا شرقی و جنوبی اولکهلر گه یوباریلگنینی معلوم قیلهدی، هرات سودا و سرمایه یاتقیزیش اتاق اجرائیه آمری محمدیوسف امین.
او، اوشبو قویاش ییلده هرات ولایتیدن ۴۰ تُن زعفران حاصل آلینگن و اونینگ پاکتلش و صادر قیلیش جریانی همان دوام اېتماقدهلیگینی قوشیمچه قیلهدی.
۹۵ فایز افغانستان زعفرانی هراتده یېتیشتیریلهدی، هیدی، رنگ و صفتی یوقاریلیگی اوچون دنیا بازارلریده علیحده اورینگه ایگهلیگی ایتیلهدی.
