ننگرهار محلی رسمی‌لری نینگ ایتیش‌لریچه، بوگون توشدن کیین ساعت ۱ اطرافیده مذکور ولایت نینگ کامی تومنیده ترافیکی بیر حادثه عاقبتیده اوچ کیشی جان بیرگن.
ننگرهار حاکمی سوزلاوچیسی عطاالله خوگیانی نینگ سلام‌وطندارگه ایتیشیچه، مذکور حادثه کامی تومنی نینگ «اخوند کلا» منطقه‌سیده هینو تیپلی بیر موتر بیر ریکشا بیلن توقنه‌شیشی باعث یوبیرگن.
اونگه کوره، تن جراحتی کوتارگنلرنینگ آره‌سیده بیر باله و بیر عیال هم شامل دیر کیم اولرنینگ ساغلیک وضعیتی خواطرلی دییلگن. ایتیلیشیچه، بو حادثه هینو موتر هیداوچیسی نینگ توجه‌سیزلیگی باعث یوزبیرگن.
ننگرهار ساغلیک ریاست سوزلاوچیسی ظاهر عادل نینگ ایتیشیچه، مذکور حادثه‌دن اوچ جسد و اوچ یره‌دار بو کسلخانه گه انتقال بیریلگن کیم یره‌دارلردن بیری نینگ وضعیتی یمان دیر.