سرپل پولیس قومندانلیگی مسوول‌لری نینگ ایتیش‌لریچه، ۲۲ سرپل‌لیک عیال ایکی آی‌لیک تعلیمی دوره‌نی اوتکزگنیدن سونگ، هیداوچیلیک جوازی قولگه کیریتگن‌لر.
سرپل پولیس قومندانلیگی سوزلاوچیسی نورآغا فیضی نینگ ایتیشیچه، اوشبو رقم عیاللر نظری و عملی توغریده تعلیم کورگن‌لریدن سونگ، هیدواچی‌لیک جوازینی آلگنلر.
سرپل پولیس قومندانلیگی سوزلاوچیسی‌گه کوره، اوشبو تعلیمی دوره عیال ریاستی و پولیس قومندانلیگی هماهنگ‌لیگی بیلن یولگه قوییلگن.
جناب فیضی نینگ ایتیشیچه، مذکور عیاللر هیداوچیلیک سیناوینی ترافیک مدیریتیده اوتکزگنلر.
هیداوچیلیک جوازینی قولگه کیلتیرگن عیاللردن بیرقطاری نینگ ایتیش‌لریچه، حاضرگی عصر ده هیداوچیلیک جواز جدی نیازلردن دیر.
اولرنینگ ایتیش‌لریچه، اجتماعی و خیابانی اذیت‌لر حاضرده هم عیاللر برابریده بولگن اساسی قیین‌چیلیکلردن دیر.
