ننگرهار یشاوچیسی رحیم‌الله بوگون (دوشنبه، ۹ دلو) تورت باله‌سینی باله‌لر فلجی (پولیو) گه قرشی ایملش اوچون محله ده‌گی ساغلیق مرکزلر دن بیری گه آلیب بارگن. او نینگ ایتیشیچه: «عایله‌لر دن باله‌لرینی پولیو گه قرشی ایملش‌لرینی ایسته‌ی من؛ چونکه مشرقی ولایت‌لر اینیقسه ننگرهار ده پولیو واقعه‌لری کوپ ثبت بوله‌دی.»
باشقه تاماندن، قندهار یشاوچیسی گلاب‌شاه گه کوره، باله‌لری فلج بولمسلیگی اوچون واکسین قیلگن. اونگه کوره: «مسجد ده شفاکارلر کیلگن ایدیلر و ایکی باله‌منی پولیو گه قرشی واکسین قیلدیم. شفاکارلر پولیو گه قرشی واکسین تطبیق ایتیلیشی، باله‌لر نی فلج بولیش دن قوتقریشنی ایته‌دیلر.»
بیزلرنینگ فیسبوک صحیفه‌میزگه باش اورینگ!
باله‌لر فلجی یوقوملی کسل‌لیک بولیب و باله نینگ عصبی تیزیمی گه زیان ییتکیزیب و فلج بولیشی گه سبب بوله‌دی و بو کسل‌لیک ییگولیک آوقت، افلاس سوونی ایچیش و جاری سوولر ده کسل باله‌لر نینگ سوو گه سوزیشی باعث باشقه‌لر گه یوقه‌دی.
ساغلیق‌نی سقلش وزیرلیگی گه کوره، ۲۰۲۴-ییل ده پولیو گه قرشی ایملش بیرینچی کمپاین مملکت نینگ ۲۱ ولایتی ده دوشنبه کونی باشلنگن و پنج‌شنبه گچه دوام تاپیشی کوتیله‌دی.
ساغلیق‌نی سقلش وزیرلیگی ده پولیو گه قرشی کوره‌ش مرکزی نینگ عملیاتی مسئولی عبدالقدوس بریالی نینگ سلام‌وطندار گه ایتیشیچه، پولیو گه قرشی ایملش اوشبو دور کمپاین ده بیش یاشنی تولدیرمه‌گن ۷.۵ میلیون باله ایملنیشی ممکن.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه: «پولیو گه قرشی ایملش بیرینچی دور کمپاین مملکت نینگ ۲۱ ولایتی ده باشلنگن. بو کمپاین ۲۰۰ دن آرتیق تومن ده یولگه قوییلگن. اوشبو کمپاین ده ۷.۵ میلیون باله واکسین بوله‌دی.»
میلادی اوتگن ییل ده یالغیز ننگرهار ده پولیو آلتی مثبت واقعه‌سی قید ایتیلگن ایدی. ایتیش کیره‌ک دنیا بویلب افغانستان و پاکستان باله‌لر فلجی بوتونلی یوق بولمه‌گن مملکت‌لردن سنله‌دی.