هرات ده تورت کونلیک کوز کسللیکلرینی دوالش کمپاینی باشلندی
هرات ده افغان قیزیل آی جمعیتی مسئوللرینینگ ایتیشلریچه، اوشبو ولایتده «ملک سلمان» جمغرمهسی همکارلیگی بیلن تورت کونلیک کوز کسللیکلرینی دوالش کمپاینی باشلنگن.
هرات ده افغان قیزیل آی جمعیتی مسئوللرینینگ ایتیشلریچه، اوشبو ولایتده «ملک سلمان» جمغرمهسی همکارلیگی بیلن تورت کونلیک کوز کسللیکلرینی دوالش کمپاینی باشلنگن.
پروان ده ایش و اجتماعی ایشلر وزیرلیگی، ینگیلیکده ۶۰۰ ییگیتگه کسب-کار اورگهتیش صنفلرینی تشکیل ایتگن. بوگون (۲۸-ثور، یکشنبه)، باشلنگن اوشبو برنامهده ییگیتلر نجارلیک، کمپیوتر و موبایل توزهتیش بولیملرینی اورگهنیشلری ممکن.
کابل بادامباغده، بنگلهدیش شفاکارلر تیمی یاردمی بیلن افغان قیزیل آی جمعیتی مرکزی کسلخانهسیده،۱۲۰ دوداق و تنگلهی جیریق بالهنینگ تیکین طرزده دوالش جریانی باشلنگن. اوشبو نهاد مسئوللری، بو بالهلرنینگ دوالش جریانی ۲۸-ثور، یکشنبه کونی باشلنگن و تورت کونگچه دوام تاپیشینی معلوم قیلهدیلر.
بیرلشگن ملتلر تشکیلاتی قاچقینلر ایشلری بوییچه عالی کمیسارینینگ ایتیشیچه، قندوز ده ایچکی آوارهلر و مملکت گه قیتریلگن قاچقینلر اوچون بیر مکتبنینگ قوریلیش ایشینی باشلهگن.
فنلند پولیسی، اوشبو مملکتنینگ جنوبغرب حدودلری «اورا» هوا قونالغهسی یقینیدهگی اورمانلی منطقهده ایکّی تیکاوچرنینگ توقنشووی عاقبتیده بیش کیشی هلاک بولگنینی معلوم قیلگنلر.
انسان یوزیده تاپیلهدیگن حُسنبوزرلردن قندهی خلاص بولیش ممکن؟ قندهی قیلیب شوندهی حالتده یوز تیریسینینگ مهم قتلمی گه زیان یېتکزمسدن چیرایلی یوز گه ایگه بولیش ممکن؟ نیگه که، حُسنبوزلرنی دوالش اوچون کوپچیلیک اۉز باشیمچهلیک بیلن چاره قوللشلری باشقه سلبی عاقبتلر گه آلیب کیلیشی ممکن.
فلسطین ساغلیقنی سقلش رسمیلری، اسرائیل آرقهلی غزه گه اویوشتیریلگن ینگی هجوملر نتیجهسیده، کمیده ۹۷ کیشینینگ اولیب و اونلب کیشی یرهلنگنینی معلوم قیلگن.
افغانستاننینگ آزاد مبارزهلر سپورتچیسی (MMA) اسماعیل حیدری، جرمنی MFC تشکیلاتی رقابتلریده، روسیهلیک رقیبی آندره هوداکاوسکی گه غلبه قازانگن. اوشبو مسابقه، ۲۷-ثور، شنبهدن یکشنبه گه اوتر کیچه، جرمنی فرانکفورت شهری «سواگ انرژی آرنا» سپورت میدانیده اۉتکزیلگن. ۳۲ یاشر افغانستانلیک سپورتچی بوندن اول، ۱۴ مسابقهده ییتّی مرته غالب و ییتّی مرته مغلوب بولگندی.
اسلام امیرلیگی تشقی ایشلر وزیرلیگی سرپرستی امیرخان متقی و ایران تشقی ایشلر وزیری سیدعباس عراقچی، بیر بیری بیلن اوچرهشیب و ایکی تامان ایکی تامانلمه مناسبتلر، خوفسیزلیک مسئلهلر، سوو مسئلهسی و ایران ده افغانستانلیک قاچقینلر وضعیتی حقیده صحبت قیلگنلر.
فراه معلومات و مدنیت ریاستی آرقهلی، اوتگن کون (۲۷-ثور، شنبه)، اوشبو ولایتده بیش کونلیک کتاب کورگزمهسی آچیلگن. فراه معلومات و مدنیت باشلیغی محمدعبدالحی سباووننینگ ایتیشیچه، «کتاب و کتاب اوقیش هفتهسی» اسمی آستیدهگی مذکور کورگزمهده، سکیز مینگ کتاب نمایشگه قوییلگن.
امریکا قۉشمه ایالتلرینینگ کنتاکی، میزوری و ویرجینیا ایالتلریده بوران و توفان عاقبتیده چمهسی ۲۵ کیشی هلاک بولگن. رویترز گه کوره، بو واقعه ۲۷-ثور، شنبه کونی یوز بیریب و انسانی تلفات گه علاوه مذکور منطقهلر اهالیسی گه کوپینچه مالی زیان یېتکیزگن. معلوماتلر اساسیده، یالغیز کنتاکی ایالتیده چمهسی ۱۷ کیشی هلاک بولیب و ۱۰۰ مینگ دن آرتیق کیشی برقسیز بولگن.
بیرلشگن ملتلر تشکیلاتینینگ یشش محیط دستوری، (UN-Habitat)، پکتیا مرکزی گردیز شهریده سوو ییتکزیش بیر ترماقنینگ قوریلیش ایشینی باشلهگن.
غور معارف ریاستیده مسئوللرنینگ ایتیشلریچه، اوشبو ولایت مرکزی فیروزکوه شهری شمالیده جایلشگن «غلمین» منطقهسی یشاوچیلری آرقهلی، بیر مکتب بناسینینگ قوریلیش ایشی باشلنگن.