سرپل ده محلی مسئوللر، جاری ییل جریانیده اوشبو ولایتده ۲۳ مکتبنینگ قیته قوریلگنیدن خبر بیرگنلر. سرپل حاکمی سوزلاوچیسی حبیبالله مسرورنینگ ایتیشیچه، مذکور مکتبلردن ۱۴ تهسینینگ بناسی، معارف وزیرلیگی آرقهلی ۸ میلیون ۳۶۰ مینگ افغانی عوضیگه و باشقه ۹ تهسینینگ بناسی ایسه سرپل ده یاردم بیرووچی موسسهلر آرقهلی ۱۲۵ مینگدن آرتیق دالر عوضیگه قیته قوریلگن.
ننگرهار صناعتی شهرچهسیدهگی تولیدی کارخانهلردن قطارینینگ مسئوللری، سوو و برق تقچیلیگی، یوللر بوزوقلیگی و تولیدی توارلری اوچون بازار یوقلیگیدن شکایت قیلهدیلر.
اۉزبېکستاننینگ فوتبال بوییچه ملی اویینچیسی عبدالقادر حُسناو، اسپانیاده رئال مادرید کلوبی و بریتانیاده منچستر سیتی کلوبلرینینگ دقتینی اۉزیگه قرهتگن.
امریکانینگ کالیفرنیا ایالتیده یوز بیرگن کینگ کولملی یانغین نتیجهسیده، ۳۰ مینگدن آرتیق کیشی اویلرینی ترک قیلگن. رویترز آژانسینینگ گزارش بیریشیچه، اوشبو یانغین اوتگن کون توشدن کیین (۱۸-جدی، سهشنبه)، کالیفرنیانینگ لاس انجلس شهری غربیده جایلشگن «پاسیفیک پالیسید» اورمانلریده یوز بیرگن.
فلسطین ساغلیقنی سقلش رسمیلرینینگ اعلام قیلیشلریچه، اسرائیلنینگ غزهگه اویوشتیرگن هجوملری نتیجهسیده، بالهلر شامل کمیده ۴۹ کیشی قربان بولیب و اونلب کیشی ایسه یرهلنگن.
خلقارا یېتکرمهلرنینگ معلوماتی اساسیده، ۱۸-جدی، سهشنبه کونی محلی وقت بیلن ایرتهلب ساعت ۹:۰۰ اطرافیده، تبت خودمختار منطقهسیگه قرهشلی شیگاتسه شهریده یوز بیرگن زلزله طفیلی قربانلر رقمی، ۱۲۶ کیشی گه یېتگن.
فاریاب مرکزی میمنه شهرینینگ بلدیه ریاستی مسئوللری، اوشبو شهرنینگ ایکینچی ناحیهسیده فرعی بیر سرکنینگ اسفالتلنیش ایشی باشلنگنیدن خبر بیرگنلر.
تورکیهنینگ استانبول شهریده «گیلم و قالین» خلقارا اېنگ بویوک کورگزمه، افغانستان و تورکیه رسمیلرینینگ حضوری بیلن آچیلگن.
