هرات ده هوا ساووقلیگی کوپهیگنی بیرحالده، اوشبو ولایت یشاوچیلریدن قطاری برقدن ییترلی شکلده فایدهلنه آلمسلیکلریدن شکایت قیلهدیلر. هرات شهری بکرآباد منطقه یشاوچیسی سیمانینگ سلاموطندار گه ایتیشیچه، سونگی کونلر بیر کیچه و کوندوزده یالغیز اوچ-تورت ساعت برقدن فایدهلنه آلهدیلر.
افغانستان اولاق لیگی آلتینچی باسقیچی فاینلیده، یما پترول اولاق تیرمه جماعهسی اوشبو مسابقهلرنینگ ساورینداری اعلام بولدی. بوگون (۲۶-قوس، دوشنبه) کابل شهری حدودلریگه قرهشلی «یکه توت» منطقهسیده فاریاب یاشلری و بدخشان اولاق تیرمه جماعهلری، اوچینچی و تورتنچی اورین اوچون بیلشدیلر.
اسلام امیرلیگی تشقی ایشلر وزیرلیگی سرپرستی امیرخان متقی و تورکمنستان تشقی ایشلر وزیری رشید مراداوف، افغانستان و تورکمنستان قۉشمه چېگرهسی یقینیده تاپی لایحهسی عملی ایشینی یقیندن باریب کوزهتگنلر.
قطر دولتی، ۱۳ ییلدن سۉنگ سوریه پایتختی دمشقده ایلچیخانهسینی آچیشیدن خبر بیرگن. قطر تشقی ایشلر وزیرلیگی، ۲۵-قوس، یکشنبهدن دوشنبه گه اوتر کیچه ایکس صحیفهسیده بیر بیانیه ترقهتیب، بو مملکت سوریهده ایلچیخانهسی آچیشینی معلوم قیلگن. مذکور وزیرلیکنینک کوپهیتیریشیچه، قطرنینگ دیپلماتیک هیئتی ایلچیخانه آچیلیش دستلبکی باسقیچلرینی توگهتیش اوچون سوریه یېتیب بارگن.
فلسطین ساغلیقنی سقلش رسمیلرینینگ اعلام قیلیشلریچه، غزهنینگ بیر قطار بولیملریگه اسرائیل آرقهلی اویوشتیریلگن هجوملر نتیجهسیده، کمیده ۶۹ کیشی قربان بولیب و اونلب کیشی ایسه یرهلنگن.
