اسلام امیرلیگی و چین آره‌سیده‌گی نسبتاً یخشی مناسبتلر سایه‌سیده، سونگی پیتلر ایکی مملکت بیر بیری بیلن تجارتی و اقتصادی مناسبتلری یخشی‌لنیشی اوچون سعی‌وحرکت قیلماقده‌لر. اسلام امیرلیگی سودا و صناعت وزیرلیگی مسئوللری، اوتگن اوچ ییلده افغانستان و چین اورته‌سیده‌گی اقتصادی مناسبتلری یخشی‌لنگنی گه تاکید‌لب و ایتیشلریچه، جاری میلادی ییل نینگ توقیز آیی‌ده (جنوری‌دن سپتمبر آیی نینگ یکونی‌گچه)، افغانستان چین بیلن ۵۴۸ میلیون دالرلیک توار آلیش-بیریش قیلگن که بو رقملردن کوپینچه‌سینی چین دن افغانستان وارداتی تشکیل بیره‌دی.
اسلام امیرلیگی سودا و صناعت وزیرلیگی سوزلاوچیسی عبدالسلام آخوندزاده جواد نینگ سلام‌وطندار گه ایتیشیچه: «جاری میلادی ییل نینگ باش توقیز آیی‌ده افغانستان و چین اورته‌سیده‌گی آلیش بیریش ۵۴۸ میلیون دالر ایدی که اولردن ۱۲ میلیون دالری صادرات و قالگن ۵۳۶ میلیون دالری ایسه واردات ایدی.»
بیزلرنینگ فیسبوک صحیفه‌میزگه باش اورینگ!
شونینگدیک سودا و صناعت وزیرلیگی سوزلاوچیسی گه کوره، چین تامانیدن افغانستان نینگ کمیده ۹۷ قلم تجاری توارلری گه تعرفه‌لری بیکار قیلینیشی بیلن، کیله‌سی ییللرده کابل و پکن اورته‌سیده‌گی اقتصادی و تجاری علاقه‌لر نینگ سیزیلرلی درجه‌ده یخشی‌لنیشی ممکن.
شونده‌ی بیرحالده، افغانستان سودا و سرمایه یاتقیزیش اتاقی مسئوللری، اوتگن ییللرده چین بیلن افغانستان تجارتی روپه‌ره بولگن افغانستان صادراتی اوچون درست بیر یول یوقلیگی قیین‌چیلیگی گه اشاره قیلیب و تاکید قیلیشلریچه، کابل و پکن نینگ حاضرگی مناسبتلری کوپینچه اقتصادی زمینه یره‌تیشی ممکن.
افغانستان سودا و سرمایه یاتقیزیش اتاقی نینگ مدیره هیئت اعضاسی خان‌جان الکوزی نینگ ایتیشیچه: «چین اقتصادی نقطه‌ی نظری‌دن یخشی بیر شریک دیر. بیزلر گه چین توارلری ارزان توشه‌دی. حاضر چین بیلن تجارت یخشی دیر، گرچند بیر وقتلر چین بیلن قریب ایکی میلیارد دالر تجارتیمیز بار ایدی، بیراق بو رقم سونگی ییللرده بیر میلیارد دالردن هم کمه‌یگن.»
باشقه بیر تاماندن، ایش بیلرمانلر خلق‌ارا تجارت ده چین نینگ اقتصادی اورنی گه توجه قیلیش بیلن ایتیشلریچه، چین بیلن اقتصادی نقطه‌ی نظری‌دن یقین‌لیک مملکت فایده‌سی گه دیر.
مذکور ایش بیلرمانلر نینگ ایشانچی گه کوره، چین نینگ اقتصادی، سیاسی و امنیتی فایده‌لری سبب بو مملکت افغانستان بیلن کوپراق اقتصادی تعامل قیلماقچین و افغانستان چین نینگ بو یانده‌شووی‌دن اقتصادی وضعیتی یخشی‌لنیشی مقصد اساسی شکلده قوللنیشی کیره‌ک.
چین مسئله‌لری تحلیل‌چیسی مجددالدین خراسانی نینگ بو توغریده ایتیشیچه: «چین هم افغانستان بیلن اقتصادی مناسبتلری یخشی‌لنیشی اوچون سعی‌وحرکت قیلماقده که بو رقم هم سیاسی اویین‌لر و هم خوفسیزلیک خواطرلرنی کنترول قیلسه.»
بیزلرنینگ «ایکس» ترماغی ده هم تعقیب قیلینگ!
شونینگدیک بو توغریده اقتصادی مسئله‌لر بیلرمانی عبدالنصیر رشتیا نینگ ایتیشیچه: «فرصت‌دن قوللنیب، توارلریمیز نی چین گه صادر قیلیب و او تاماندن هم نیازیمیز بولگن توارلر اینیقسه ماشینلر و تکنالوژی نی وارد قیلیشیمیز کیره‌ک که مملکت ایچیده اوندن یخشی فایده‌لنسک.»
ایتیش کیره‌ک که، اوتگن اوچ ییلده چین بیلن تجارت نینگ رواجلنیشی اوچون واخان قتناو یولی‌دن فایده‌لنیش کوپ فایده‌لی دییله‌دی که، بو یول‌دن قوللنیش مقصد سعی‌وحرکتلر توغریسیده‌گی سوزلر گه علاوه، حاضرگچه عمل گه آشیریلمه‌گن.
