غور ده بیر ییگیت، اوشبو ولایت‌ده ایچیم‌لیک سوو خصوصیده اهالی قیینچیلیگی حلی مقصد، ۱۰ مینگ دالر ارزشی‌گه بیر کارخانه قورگن.
مذکور کارخانه مسئولی کرام‌‌الدین محمدی نینگ ایتیشیچه، اوشبو کارخانه‌ده غور ولایتی مرکزی فیروزکوه شهری یشاوچیلری اوچون کونده ۲۰ مینگ لیتردن آرتیق ایچیم‌لیک سوو تامینله‌یدیلر.
بیزلرنینگ «ایکس» ترماغی ده هم تعقیب قیلینگ!
محمدی گه کوره، ایچیم‌لیک سوو تازه‌لش کارخانه نی قوریش بیلن باشقه بیش ییگیت گه هم ایش زمینه‌سی نی یره‌تگن.
شونده‌ی بیرحالده، غور ولایتی یشاوچیلریدن قطاری مذکور کارخانه نینگ قوریلیشی نی ایچیم‌لیک سوو تامین‌لنیشی خصوصیده ایجابی بیر آدیم عنوان قیلگنلر.
اوشبو یشاوچیلر نینگ ایتیشلریچه، سوو تاشقینلری یوز بیریشی بیلن یشاوچیلردن کوپ قطاری ایچیم‌لیک سوو کم‌لیگی قیینچیلیگی بیلن روپه‌ره بولگن.
غور یشاوچیلریدن بیری ذبیح‌الله حبیبی نینگ ایتیشیچه: «اوشبو ایچیم‌لیک سوو تازه‌لش کارخانه نینگ قوریلگنی‌دن خورسند‌میز، چونکه حاضر ایسه اهالی ایچیم‌لیک سوودن فایده‌لنه آلمه‌یدی و کوپینچه قیین‌چیلیک بیلن روپه‌ره دیر. بو کارخانه نینگ صفتلی سوو تولید قیلیب و اهالی اختیاری گه قرار بیریشی نی امید قیله‌میز.»
عین حالده، غور صناعت و سوداگرلیک باشلیغی محمدصادق رصاص نینگ ایتیشیچه، بو ریاست و اوشبو ولایت محلی اداره‌سی برچه تجار و سرمایه یاتقیزووچیدن حمایت قیلگن و شونینگدیک خصوصی سکتور خذمتلری یخشی‌لنیشی اوچون سعی‌وحرکتلر نینگ دوامی بار.
بیزلرنینگ فیسبوک صحیفه‌میزگه باش اورینگ!
جناب رصاص نینگ کوپه‌یتیریشیچه: «مذکور ولایت‌ده سرمایه یاتقیزووچیلر و تجارلردن کوپراق حمایت بولیشی و اولرگه یخشی زمینه یره‌تیلیشی اوچون سعی و حرکت قیله‌میز.»
ایتیش کیره‌ک که، اوشبو ایچیم‌لیک سوو تازه‌لش کارخانه‌سی غور ولایتیده یشاوچیلردن قطاری نینگ ایچیم‌لیک سوودن فایده‌لنه آلمسلیگی و ایچیم‌لیک سوو کم‌لیگی قیینچیلیگی بیلن روپه‌ره بولگنلری بیرحالده، قوریلگن.
