افغانستان برق ییتکزیش شرکتی (برشنا) مسئوللری، بوگون (سه‌شنبه، ۱۸-ثور)، کابل ده یولگه قوییلگن خبری بیر ییغین‌ده ایتیشلریچه، اوتگن ییل افغانستان گه اوزبیکستان دن ۱۰۵ میلیون‌دن آرتیق دالرلیک، تاجیکستان دن ۷۱ میلیون‌دن آرتیق دالرلیک، تورکمنستان دن ۶۴ میلیون‌دن آرتیق دالرلیک و ایران دن ۴۸ میلیون‌دن آرتیق دالرلیک برق وارد قیلگنلر.
افغانستان برق ییتکزیش شرکتی عملیاتی ایشلری بوییچه باشلیغی عبدالرحمان رحمانی نینگ ایتیشیچه، مذکور شرکت برق وارداتی‌دن بولگن برچه قرضلری نی قوشنی مملکت‌لر گه توله‌گن و حاضر ایسه هیچ بیر مملکت‌دن قرضدار ایمس دیر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «برشنا شرکتی هیچ بیر تشقی مملکت‌دن برق خصوصیده قرضدار ایمس و بیزلر شرطنامه اساسیده اولر بیلن یانده‌شه‌میز و هر قنچه که برق آلسه‌ک، آی نینگ یکونی‌ده توله‌یمیز و برشنا پولی نینگ تولشی‌ده قیین‌چیلگیمیز یوق.»
برشنا شرکتی مسئوللری نینگ ایتیشلریچه، اوتگن قویاش ییل‌ده برق بولیمی‌ده ۱۰۴ لایحه شرطنامه‌سی، ۳ میلیارد‌دن آرتیق افغانی گه امضالنیب و حاضرگچه مذکور لایحه‌لر خصوصیده ایش نینگ دوامی بار.
باشقه بیر تاماندن، برشنا شرکتی مسئوللری نینگ ایتیشلریچه، سابق حکومت زوره‌‌وان‌لری و سیاستچیلری نینگ ۴۷۸ میلیون افغانی قرضی‌دن، ۱۸۶ میلیون افغانی‌سی توپلنگن.
افغانستان برق ییتکزیش شرکتی نینگ سوداگرلیک ریاستی اورین‌باسری میرویس عطایی نینگ ایتیشیچه: «توپلم شکلده ۱۸۶ میلیون افغنی سابق حکومت نینگ زوره‌وانلیک‌لری و سیاستچیلریدن توپلنگن و کیینگی مرحله‌ده ایسه موضوع اسلام امیرلیگی رهبری گه یوباریلیب و او تاماندن بویروغ بیریلگن که موضوع افغانستان افتاء رهبری گه شریک بولسین.»
بیزلرنینگ فیسبوک صحیفه‌میزگه باش اورینگ!
جناب عطایی نینگ کوپه‌یتیریشیچه، اوتگن ییل برق صرفیه پولی اوچون مملکت بویلب ۳۸.۸ میلیارد افغانی توپلنگن. «مملکت بویلب عاید توپلنیشی بولیمی‌ده ۳۸.۸ میلیارد افغانی توپلنگن که تعیین‌لنگن هدف اوندن قویی‌راق ایدی.»
برشنا شرکتی نینگ معلوماتی اساسیده، حاضر ایسه سرپرست حکومت اداره‌لری اوشبو شرکت‌دن ۱.۵ میلیارد افغانی قرضدار دیر.
