ایران رهبری سیدعلی حسینی خامنه‌ای اسرائیل نینگ سوریه پایتختی دمشق شهری ده ایران قنسولگرلیگی ده‌گی هوا هجومی که سپاه پاسداران نینگ ایکّی ییریک قوماندانی اۉلیمی گه ضامن بولدی، مناسبت بیلدیریب اسرائیل جزالنتیریلیشیدن آگاه‌لنتیرگن.
روسیه «تاس» آژانسی اوشبو مملکت تشقی ایشلر وزیرلیگیده‌گی اۉزمنبع‌لریدن نقل قیلیب، عدلیه، تشقی ایشلر وزیرلیک‌لری و باغلیق نهادلردن بیرقطاری، بو مملکت نینگ «تروریزم» رویخطیدن اسلام امیرلیگی نینگ آتینی چېقریش مسئله‌سینی تېکشیرماقده‌لیگینی بیلدیرگن. بونگه قوشیمچه روسیه نینگ افغانستان اوچون مخصوص وکیلی ضمیر کابلوف، تاس آژانسی گه حاضر مسکو و کابل عصیانچی گروه‌لر گه قرشی کوره‌ش ده ترتیبلی شکلده همکارلیک قیلماقده‌لیگینی اېتگن.
افغانستان ده بیرلشگن ملتلر تشکیلاتی نینگ اورین‌باسرلیک هیئت دفتری (یوناما)، اوتگن کون (دوشنبه، ۱۳-حمل)، بیر گزارش ترقه‌تیش بیلن ایتیشیچه، افغانستان نینگ ۳ مینگ کیلومتر مربع‌دن آرتیق ییری، اوروش‌لر جریانیدن پارتلمه‌ی قالگن ماین‌لردن تازه‌لنیشی بیلن، لیکن حاضرگچه افغانستان نینگ ۱۰۰۰ کیلومتردن آرتیق توپراغیده، پارتلمه‌ی قالگن ماین‌لر موجود دیر.
خلق‌ارا ساغلیق‌نی سقلش تشکیلاتی نینگ افغانستان بولیمی گه کوره، خلق‌ارا قیزیل خاچ کمیته‌سی افغانستان کسلخانه‌لری گه یاردم‌لرینی کېسی‌شیدن سۉنگ، اوشبو مملکت نینگ ۲۵ کسلخانه‌سی گه تورت میلیون ۴۰۰ مینگ دالر طبی اوسکونه و دارو یاردم کورستگن.
هر ییلی کابل یشاوچیلری هییت بیرمی ییتیب کیلیشی بیلن بازار‌لر گه باریب و هییت کون‌لریده مهمان‌لری نینگ کوتیب آلیش اوچون تیارگرلیک آله‌دیلر؛ بیراق کابل یشاوچیلریدن قطاری نینگ ایتیشلریچه، کمبغل‌لیک و ایش‌سیزلیک سبب، قوروق میوه و شیرین‌لیک کبی نیازلری بولگن ییگولیک ماده‌لر نی، هییت بیرمی دسترخوان‌لری گه تیره آلمه‌یدیلر.
افغانستان سرپرست حکومت تشقی ایشلر وزیرلیگی، اسراییل نینگ سوریه پایتختی دمشق شهری ده ایران قنسولگرلیگیده اۉیوشتیرگن هجومینی قتیق قاره‌لب و بو هجومنی «دیپلماتیک معیارلر» نی انیق بوزیش دیب و منطقه ده ده ناتینچ‌لیک‌لر کوچه‌یشی اوچون «تحریک قیلیش» اقدام دیگن.
اسلام امیرلیگی باش وزیری نینگ اداری اۉرین باسری عبدالسلام حنفی، برچه مملکت‌لردن یاش‌لر نینگ باشقه مملکت‌لر گه مهاجر بولمسلیگی، افغانستان‌ده بنگی‌وار ماده‌لری گه چېک قوییلیشی اوچون، ترقیاتی لایحه‌لرنی عملگه آشیریش ده سرمایه یاتقیزیش‌لرینی اېسته‌گن.
اسلام امیرلیگی تامانیدن خشخاش ایکیلیشی تقیق‌لنگنی‌دن کیین، ارزگان ده ایکینچیلردن کوپ قطاری زیره ایکیش گه یوز کیلتیرگنلر. مذکور ایکینچیلردن قطاری نینگ ایتیشلریچه، خشخاش گه قره‌گنده زیره قیمتی آز بولگنی بیلن، بیراق باشقه ایکین‌لر گه نسبتاً یخشی درآمدی بار.
ایران تشقی ایشلر وزیرلیگی، اوشبو مملکت نینگ سوریه پایتختی دمشق شهری ده قنسولگرلیگیده اۉیوشتیریلگن هجوم‌دن کیېن، تهران ده سویس ایلچیسینی چقیرگنینی معلوم قیلگن.
ارگ بوگون (سه‌شنبه، ۱۴-حمل) بامداد چاغی ایکس اجتماعی ترماغی‌ده، اندریکا راتوت بو موضوع نی اسلام امیرلیگی باش وزیری نینگ اۉرین باسری عبدالسلام حنفی بیلن اۉچره‌شووده بیان قیلیب و اسلام امیرلیگی‌دن افغانستان نینگ مستحق اهالیسی گه انسان پرورلیک یاردم‌لرنی یېتکزیب بیریش اوچون همکارلیک قیلیشینی سۉره‌گن دیب یازگن.
بامیان خوفسیزلیک مسئوللری، اوشبو ولایت نینگ پنجاب تومنیده یوز بیرگن ترافیکی حادثه عاقبتیده بیر باله قربان بولیب و تورت عیال شامل باشقه ۱۳ کیشی یره‌لنگنیدن خبر بیرگنلر.
هرات محلی مسئوللری، اوشبو ولایتده «حریت» امید و شریعت» آت‌لریده اوچ رادیو اېشیتّیریش گه باشله‌گنیدن خبر بیریب و اسلام امیرلیگی اوشبو حکومت قانون-قاعده‌لری و ملی منفعت گه تېنگ یایین بیره‌دیگن یېتکرمه‌لر نینگ قۉللب-قوتلشینی بیلدیرگن. هرات معلومات و مدنیت باشلیغی احمدالله متقی نینگ سلام‌وطندار گه ایتیشیچه، ۱۳-حمل دوشنبه کونی مذکور یېتکرمه‌لر رسمی شکلده اوشبو ولایتده اېشیتّیریش گه باشله‌گنلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
