قندهار ده ایکینچیلردن قطاری نینگ سلام‌وطندار گه ایتیشلریچه، اولر بوغدای‌نی سنتی روش‌ده ایکه‌دیلر و سنتی روش‌ده بوغدای ایکیلیشی، اولر نینگ حاصلاتی کمه‌یشی گه سبب بولگن. مذکور ایکینیچیلر، قیته ایکیش اوچون یخشی حاصل بیره‌دیگن اوروغ نی سقله‌یدیلر.
ییری نی بوغدای ایکیش اوچون تیار قیله‌دیگن قندهار یشاوچیسی بولمیش نورجان نینگ ایتیشیچه، بو ییل اوچ جریب ییری نی بوغدای ایکیش گه اختصاص بیرگن دیر. اونینگ کوپه‌یتیریشیچه، تورت ییل آلدین بیر مؤسسه آرقه‌لی اصلاح بولگن بوغدای اوروغی بیریلگن و هر ییل مذکور اوروغ‌دن ایکیش اوچون قوللنیب و یخشی حاصل قولگه کیلتیره‌دی.
او، اوزی و باشقه ایکینچیلر گه ستندرد روش‌ده بوغدای ایکیلیشی نینگ تعلیم بیریلمه‌گنی خصوصیده مسئوللردن شکایت قیله‌دی؛ بیراق ینه هم او بیر جریب ییری‌دن ۲۰۰-۲۵۰ سیر و حتا ۳۰۰ سیر بوغدای حاصل قولگه کیلتیره‌دی.
بیزلرنینگ «ایکس» ترماغی ده هم تعقیب قیلینگ!
نورجان نینگ ایتیشیچه: «اوتگن ییل‌لر و آته‌م و بابه‌م نینگ ایکیشی کبی بیزلر هم ایکه‌میز. بوغدای وقتی‌ده کیلیب و بو رقم دوا سیپیله و کیمیاوی کوددن قوللنیش طریقه‌سی نی ایتگنلری بیرحالده، نیگه حاصلی‌میز یوق؟ یخشی حاصل قولگه کیلتیریشیمیز اوچون یخشی تعلیم بیریشلری کیرهک.»
مذکور قندهار‌لیک ایکینچی نینگ کوپه‌یتیریشیچه، حاضر ایسه اوتگن ییل‌لر کبی ایکین‌زارلریده کیمیاوی کوددن قوللنه‌دی و بو توغریده معلوماتی یوق. او قندهار ایکینچیلیک، سووغاریش و چاروه‌چیلیک ریاستی و همکار مؤسسه‌لردن، اصلاح بولگن اوروغ و کیمیاوی کود خصوصیده، ایکینچیلر بیلن همکارلیک بولیشی نی ایسته‌یدیلر.
ستندرد روش‌لر خصوصیده ایکینچیلر گه معلومات بیریش و امکانیت زمینه‌سیده اولر گه یاردم بیریش، حاصلات سطحی نینگ کوپه‌یتیریشی ممکن. ایکینچیلیک بوییچه ایش بیلرمانی سمیع‌الله همت نینگ ایتیشیچه، بیر جریب للمی ییر‌ده، ۳۰-۴۵ کیلوگرام و بیر جریب آبی ییر‌ده ۱۸-۲۰ کیلوگرام بوغدای اوروغی گه نیاز دیر.
عین حالده، قندهار ده اصلاح بولگن اوروغ شرکت‌لردن بیری مسئولی نصرت‌الله نینگ ایتیشیچه، اولر خلق‌ارا مشهور شرکت‌لردن تجربه و تصدیق بولگن اوروغ‌لر نی وارد قیلیب، ایکین‌زارلری گه ایکه‌دیلر و یخشی نتیجه آلگنلریدن کیین، اولر نی ایکینچیلر گه ترقه‌ته‌دیلر.
اونینگ کوپه‌یتیریشیچه، اصلاح بولگن اورورغ‌لر نینگ ایکیش نتیجه‌سیده، بیر جریب ییر‌دن ۳۵۰ سیر محصول قولگه کیله‌دی؛ بیراق اصلاح بولمه‌گن بوغدای نینگ ایکیلگنی صورت‌ده، بو مقدار ییر نینگ حاصلی ۲۵۰ سیر گه کمه‌یشی ممکن.
عین حالده، قندهار ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، حاضرگچه نیاز بولگن اوروغ نینگ تیارلش اوچون ایکینچیلیک ییرلردن دقیق سروی صورت تاپمه‌گن؛ بیراق اولر بیر سروی آرقه‌لی بو ایش نینگ انجام بیریش گه سعی و حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
قندهار ایکینچیلیک، سووغاریش و چاروه‌چیلیک ریاستی‌ده اصلاح بولگن اوروغ‌لر مدیری کلیم‌الله مجددی نینگ ایتیشیچه، اوشبو ریاست کوپینچه ایکینچی گه اصلاح بولگن اوروغ و کیمیاوی کود ترقه‌تگن و حاضر ایسه ایکینچیلر اوندن ایکیش اوچون قوللنه‌دیلر.
جناب مجددی نینگ کوپه‌یتیریشیچه: «ایکینچیلیک ریاستی برچه تومن‌لر ایکینچیلری گه معلومات بیرگنو مؤسسه‌لر ایکینچیلر گه فرقلی تعلیم‌لر بیرگن. قیینچیلیکلری حلی اوچون اساسی شکلده رهنمالیک بولگنلر و عملی شکلده ایکینچیلر یاردم گه نیازلری بولگنی صورت‌ده، ساحه گه باریب و یاردم بیریش اوچون تیارمیز.»
ایتیش کیرهک که، حاضر ایسه قندهار ده ایکی ته اصلاح بولگن اوروغ شرکتی نینگ فعالیتی بار و کوپینچه پیت، ایکینیچیلر گه تعلیمی و مسلکی جلسه‌لر نینگ یولگه قویه‌دیلر.
