رویترز آژانسی نینگ ینگی معلوماتی اساسیده، کیله‌سی هفته دوحه ده بیرلشگن ملت‌لر تشکیلاتی نینگ ییغیلیشی اوتکزیلیش عرفه‌سیده، مذکور تشکیلات خوفسیزلیک کینگشی بوگون (پنجشنبه، ۷ ثور) اسلام امیرلیگی تامانیدن عیاللر گه یره‌تیلگن چیکلاولر گه عاید قطعنامه مسوده‌سینی، آواز بیریش گه قویه‌دی.
اوشبو قطعنامه مسوده‌سی، بیرلشگن عرب امیرلیگی و جاپان تامانیدن تیارلنگن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان‌لردن بیرقطاری نینگ ایشانچی گه کوره، مذکور قطعنامه ده خاتین قیزلر گه یره‌تیلگن چیکلاولر بیکار قیلینیشی گه علاوه سیلاو اوتکزیلیشی، همه شمول حکومت شکللنیشی و افغانستان دن باشقه مملکت‌لر گه قرشی فایده‌لنسملیک اوستیده تأکید ایتیلگن.
سیاسی ایش بیلرمان محمود اضطرابی گه کوره: «عیاللر نینگ ایشی و تعلیمی گه عاید یره‌تیلگن چیکلاولر بیکار قیلینیشی، انسان حق‌لری ماده‌لری اینیقسه نادولتی اداره‌لر نینگ عیال ایشلاوچیلری گه یره‌تیلگن چیکلاولر بیکار قیلینیشی، اساسی موردلردن بولیشی ممکن.»
عین‌حالده، اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه، بیرلشگن ملت‌لر تشکیلاتی خوفسیزلیک کینگشی نینگ قطعنامه‌سی تیکشیریلیشیدن کیین، اسلام امیرلیگی نینگ موقفی بیللی بوله‌دی.
بیزلرنینگ توییترده هم تعقیب قیلینگ!
اونگه کوره: «بوتوغریده ییترلیچه معلوماتیم یوق، تیکشیریش دن کیین سیزلر بیلن اوز فکر_ملاحظه‌م نی شریک قیلیشیم ممکن.»
عین‌حالده، کیله‌سی هفته افغانستان وضعیتی تیکشیریلیشی خصوصیده بیرلشگن ملت‌لر تشکیلاتی نینگ مخصوص ایکی کون‌لیک ییغیلیشی، قطر پایتختی دوحه شهری ده اوتکزیلیشی کوتیله‌دی.
