سونگی کونلرده اطلاعات گه قول تاپیش کیسکین روشده کمه‌یگن. اطلاعات گه قول تاپیش کمه‌یشی، خبرچی‌لر و میدیالر نینگ خواطرینی کوچه‌یتیرگن.
نیچه کون آلدین کابل شهری ده کریکت سپورت میدانیده اویوشتیریلگن پارتلش و بوگون هم پایتخت نینگ ایریم ساحه‌لریده راکت اوقی اصابت قیلیشی، ینگی موردلردن دیر که باغلیق اداره‌لر نینگ رسمی‌لری بوتوغریده خبرچی‌لرگه تولیق معلومات بیرمه‌گنلر. بوگونگی واقعه گه دایر حکومت سوزلاچیلری نینگ جواب قیتیرمسلیگی و کریکت سپورت میدانیده اویوشتیریلگن پارتلش واقعه تلفاتی باره‌سیده ضد و نقیض گزارش‌لر، خبرچی‌لر نینگ تنقیدی گه روپه‌ره بولگن.
بیزلرنینگ فیسبوک صحیفه‌میزگه باش اورینگ!
برچه‌سی بیلن، سلام‌وطندار جولای آیی ده کابل شهری ده یوز بیرگن تورلی واقعه‌لر گه دایر حکومت مسئوللری و سوزلاوچیلری دن سوره‌گن معلومات لریدن ۲۲ موردینی تیکشیرگن که حکومت سوزلاوچیلری ۱۶ موردی گه جواب قیتیرمه‌گنلر.
عین‌حالده، خبرچی‌لر اطلاعات گه قول تاپیش خصوصیده موجود قیینچیلیکلردن تنقید قیلیب، حکومتدن بوتوغریده همکارلیک قیلیشینی سوره‌یدیلر.
خبرچی‌لردن الاهه عظیمی نینگ ایتیشیچه: «کونسه‌یین اطلاعات گه قول تاپیش کمه‌یماقده، دولتی منبع‌لرنی تاپسک جواب قیتیرمه‌یدیلر و باشقه موردلرده اطلاعات نی بیز بیلن شریک قیلیشمه‌یدی، مثال صورتده بوگون پارتلش یوز بیردی؛ بیراق بیز گه معلومات بیریلمه‌دی.»
خبرچی‌لردن باشقه بیری صنوبر پارسا گه کوره: «بیز اوز ایشیمیز گه، اطلاعات گه قول تاپه آلمسلیک و ایریم چیکلاولر بیلن روپه‌ره میز. اطلاعاتی منبع‌لر گه قول تاپیش، ایشیمیزنی مهم بولیمی دیر، بیراق بوتوغریده چیکلاولر موجود. مثلاً بوگونگی واقعه گه دایر بیز گه معلومات بیریش اوچون کیمسه یوق دیر.»
باشقه تاماندن خبرچی‌لر و میدیالردن حمایت قیلووچی نهادلر، مملکتده اطلاعات گه قول تاپه آلمسلیکدن تنقید قیلیب و حکومتدن بوتوغریده جدی دقت قیلیشینی سوره‌یدیلر.
بیزلرنینگ توییترده هم تعقیب قیلینگ!
افغانستان ایرکین میدیالریدن حمایت قیلووچی نهاد یا نی مسئولی ظریف کریمی نینگ سلام‌وطندار گه ایتیشیچه: «گرچند اطلاعات گه قول تاپه آلمسلیک نیچه ییل‌لیک معما دیر، بیراق اسلامی امارت قدرت نی قولگه آلیشیدن بویان خبرچی‌لر گه کوپراق چیکلاو یره‌تیلگن. حکومت نینگ وعده‌لری بیلن، حاضرگچه اطلاعات گه قول تاپه آلمسلیک قیینچیلیگی حل بولمه‌گن.»
عین‌حالده، اطلاعات گه قول تاپه آلمسلیککه قوشیمچه، مسئوللر نینگ باسیم‌لری و حکومت تامانیدن خبرچی‌لر قولگه آلینیشی، خبرچی‌لر و میدیا فعالیت‌لرینی جدی قیینچیلیک بیلن روپه‌ره قیلگن.
