فراه امنیتی مسئوللری و اوشبو ولایت‌‌ده محلی منبع‌لردن قطاری نینگ ایتیش‌لریچه، مذکور ترافیکی حادثه بوگون فراه ولایتی سفید خاک تومنی نینگ «شوز» قشلاغیده و هرات_فراه عمومی قتناو یولیده یوزبیرگن.
فراه امنیه قومندانی سوزلاوچیسی عبدالاحد احمدی نینگ ایتیشیچه، اوشبو حادثه شخصی بیر موتر بیلن اسلامی امارت کوچلری نینگ موتری توقنشگنی باعث، یوزبیرگن و مذکور واقعه نتیجه‌سیده، بیر عایله نینگ ۵ اعضاسی جان بیریب و باشقه ایکی کیشی بیلن اسلامی امارت کوچلریدن قطاری یره‌لنگن.
بیزلرنینگ فیسبوک صحیفه‌میزگه باش اورینگ!
فراه امنیه قومندانی سوزلاوچیسی، اسلامی امارت کوچلری نینگ یره‌لنگن سانی نی بیللی قیلمه‌گن. بیراق اونینگ کوپه‌یتیریشیچه، یره‌دارلر درمان اوچون هرات‌ده الفاروق قول‌اردو گه انتقال بیریلگن. اونگه کوره، یره‌لنگن ایکی باله نینگ وضعیتی یمان دیب گزارش بیریلگن.
باشقه بیر تاماندن، فراه‌ده محلی منبع‌لردن قطاری نینگ ادعالری گه کوره، اوشبو حادثه‌ده ۴ باله، ۱ عیال و ۱ ایرکک شامل بیر عایله نینگ ۶ اعضاسی جان بیرگن. مذکور منبع نینگ ایتیشیچه، اوشبو حادثه‌ده اسلامی امارت نینگ کوچلری شامل باشقه ۵ کیشی ایسه یره‌لنگن.
بیزلرنینگ توییترده هم تعقیب قیلینگ!
مذکور حادثه دلیلی هیداوچیلر نینگ تیز هیده‌شی و توجه‌سیزلیگی دیلگن. ایتش کیره‌ک که، شونینگدیک اوتگن آیده اوشبو قتناو یولده یولاوچی تاشووچی بیر موتر بیلن موتر سایکل نینگ توقنشگنی باعث، ایکی کیشی جان بیرگن ایدی.
