لوگر حاکمی عبدالقیوم رحیمی، طالبان نینگ چرخ تومنی بو گروه قولیگه سقوط قیلگنی توغریسیدهگی ادعاسینی رد قیلیب ایتیشیچه، بو تومن ادارهسی امنیتی کوچلرنینگ قولیگه دیر.
جناب رحیمی گه کوره، چرخ تومن بناسی نی اصلی ییری گه «دبر» منطقهسیده انتقال بیرگنلر.
تشقی ایشلر وزیرلیگی، ایران و ترکیه چیگرهسیده هواساووقلیگی و بوران باعث ۴ افغان جان بیرگنی نی تصدیقلهدی.
مذکور وزیرلیک نینگ ایتیشیچه، ینگیلیکده رسانهلر آرقهلی نشر ایتیلگن خبرلر و صورتلرنینگ کورستیشیچه، افغانستان یشاوچیلریدن قطاری ایران و ترکیه چیگرهسیده ساووق هوا و بوران گه بند قالگن.
جمهوررئیس بیرینچی اورینباسری امرالله صالح، میدان وردک نینگ بهسود تومنیده بیر هلیکوپتر قوللب توشگنی عاقبتیده ۵ حربی و ۴ خدمه هلاک ایتیلگنی نی آچیق بیر جنایت دیب و مذکور حادثه عامللری جزالنتیریلیشی اوستیگه اورغولهگن.
صالح گه کوره، مملکت هوایی کوچلری نینگ بیر هلیکوپتری علیپور نینگ جنگریلری آرقهلی هجوم گه آلینگن کیچهسی، بهسود گه هیچ قندهی حربی عملیات اویوشتیریلیشی گه قرار قیلینمهگن ایکن.
مملکت تشقی ایشلر وزیرلیگی نینگ ایتیشیچه، تشقی ایشلر وزیری محمدحنیف اتمر، بیر هیأت ییتکچیلیگیده بوگون هند کیتگن.
بوگون مذکور وزیرلیک تامانیدن نشر قیلینگن بیر خبرنامهده کیلیشیچه، جناب اتمر مذکور سفر ده ایکی تامان علاقهلری کینگهیشی، افغانستان تینچلیگی توغریسیده منطقوی و خلقارا اجماع کوچلهنیشی، ریجهلنگن جرملر و ترورچیلیککه قرشی قوشمه کورهش خصوصیده بحث و صحبت اوتکزیشلری ممکن.
