سه شنبه کونی نماینده‌لر کینگش اعضالریدن ایشانچ آواز آلیش اوچون، قشلاقلرنی کینگه‌یتیریش وزیرلیگی نینگ نامزد وزیری مجیب الرحمان، عامه ساغلیک وزیرلیگی نینگ نامزد وزیری احمد جواد عثمانی، معارف وزیرلیگی نینگ نامزد وزیری خانم رنگینه حمیدی، اقتصاد وزیرلیگی نینگ نامزد وزیری خانم کریمه حامد فاریابی، چیگه‌ره و قبیله‌لر وزیرلیگی نینگ نامزد وزیری محب الله صمیم و مرکزی بانک باشلیغی نینگ نامزد اجمل احمدی اوز برنامه‌لرینی نماینده‌لر کینگشیده بیان ایتگنلر.
عامه ساغلیک وزیرلیگی نینگ نامزد وزیری احمد جواد عثمانی ایتیشیچه، کرونا ویروسی نینگ ایکینچی موج قرشی‌سیده کوره‌شیش، ساغلیک خذمتلرنی یخشی لنتیریش، احتیاج سیز کیلیشونامه‌لرنیبرنامه‌دن چیقاریش، دارولر کیفیتی نی تیکشیریش و مخدره ماده‌لرگه یولیققن کیشیلر رقمی نی آزه‌یتیریش اینگ اونملی برنامه‌لریدن بولگن.
مرکزی بانک باشلیغی نینگ نامزدی اجمل احمدی گه کوره، اولکه اقتصادی آلغه باریش اوچون آلتی اصول نی عملگه آشیریشده جدی صورتده تلاش قیله‌دی.
سه‌شنبه کونی ۶ نامزد وزیر و مرکزی بانک باشلیغی نینگ نامزدی اوز بیرنامه‌لرینی نماینده‌لر کینگشیده بیان ایتگنلر و نماینده‌لر کینگش اعضالری چهارشنبه کونی اوشبو نامزد ویرلرگه ایشانچ آواز بیریش اوچون صندوق قویه‌دیلر.
