خلقارا ییتکرمهلرنینگ گزارش بیریشیچه، ایران تامانیدن بوگون اسرائیلنینگ بیر قطار بولیملریگه اویوشتیریلگن هجوملر نتیجهسیده، کمیده ۲۰ کیشی یرهلنگن.
الجزیرهنینگ گزارشی اساسیده، بوگون (۱-سرطان، یکشنبه)، ایران اسرائیل گه کینگ کولملی هجوملرنی اویوشتیرگن.
بیزلرنینگ «ایکس» ترماغی ده هم تعقیب قیلینگ!
ایران تامانیدن آتیلگن راکته نتیجهسیده، اسرائیل بویلب خوف زیگنالی سیسلنتیریلیب، تلآویو و اورشلیم همده ساحلی مرکزلرده کوچلی پارتلشلر سیسی ایشیتیلگن.
الجزیرهنینگ یازیشیچه، اسرائیل ده «جدی حربی سانسور» قاعدهلری رعایت بولیب، ایراننینگ راکته هجوملری حقیده گزارش بیریلهدی.
لیکن حاضرگچه اعلام بولگن رسمی معلوماتلر اساسیده، اسرائیل و ایران آرهسیده اوروش باشلگنیدن بویان، اسرائیل ده ۲۵ کیشی هلاک بولگن.
بیزلرنینگ فیسبوک صحیفهمیزگه باش اورینگ!
امریکا جمهور باشلیغی دونالد ترامپ، ایران هستهای قوریلمهلرینینگ اصفهان، فردو و نطنز ده امریکا هجوملری نتیجهسیده «نابود» بولگنینی ادعا قیلگنیدن کیین؛ اسلامی جمهورلیک، بو هجومنینگ «اوزون مدتلی عاقبتلری» گه نسبت آگاهلنتیرگن.
شوندهی بیرحالده، ایراننینگ هستهای خوفسیزلیک ملی مرکزی و بیرلشگن ملتلر تشکیلاتینینگ هستهای کوزهتووچیسی و اتمی انرژیسینینگ خلقآرا آژانسیگه کوره، امریکا هجوملریدن کیین، نورلنیش (تشعشعلر) درجهسیده هیچ قندهی آشیش کوریلمهگن.
