اسلام امیرلیگی تشقی ایشلر وزیرلیگینینگ اعلام قیلیشیچه، کویت ده افغانستان اسلام امیرلیگی ایلچیخانهسی سرپرستی محمدشفیق خطیب، مذکور مملکت قماقخانه ایشلری بوییچه اورینباسری ابو فهد فایز البراک بیلن اوچرهشگن.
مذکور وزیرلیک سوزلاوچیسی اورینباسری ضیااحمد تکلنینگ اوتگن کیچه (۲۸-جوزا، پنجشنبه)، اکس صحیفهسیده یازیشیچه، اوشبو اوچرهشووده افغانستانلیک محبوسلر قیینچیلیکلری همده اولرنینگ آزاد بولیشی توغریسیده صحبت بولیب و نتیجهده، افغانستانلیک ۲۰ محبوس کویت قماقخانهلریدن آزاد بولگن.
جناب تکلنینگ کوپهیتیریشیچه، اسلام امیرلیگی تشقی ایشلر وزیرلیگی همکارلیک و انسانسیورلیک تعامل اوچون کویت دولتیدن قدردانلیک قیلیب، بو اقدامنینگ ایکی مملکت مناسبتلری مستحکملنیشی و مملکتدن تشقیدهگی افغانستانلیکلر قیینچیلیگی حلی بوییچه ایجابی آدیم بیلهدی.
تشقی ایشلر وزیرلیگی، اوشبو کیشیلرنینگ نیمه عیب بیلن کویت ده حبسگه بولگنی و قنچه مدت قماقخانهده بولگنی توغریسیده هیچ نرسه دیمهگن.
