ایکینچیلیک، سووغاریش و چاروهچیلیک وزیرلیگی، قویاش ۱۴۰۴-ییل دوامیده ۲.۵ تُن عسل، قندهاردن چیت ایل اولکهلر گه صادر قیلینگنینی بیلدیردی.
اوشبو وزیرلیک، بوگون (۲۱ جدی/۱۱ جنوری، یکشنبه) ایکس صحیفهسیده بیر بیانیه ترقهتیب بو حقده خبر بیردی.
بیانیه گه کوره، اوشبو مقدار عسل خصوصی شرکتلر آرقهلی، تورکیه، عمان، بیرلشگن عرب امیرلیگی، ایران و باشقه بیرقطار مملکتلر گه صادر قیلینگن.
معلوماتلر گه کوره، قندهارنینگ ریحان عسلی خلقارا بازارلرده اوزیگه خاص نام گه ایگه بولیب و کوپینچه خریدارلری بار.
ایتیش جایز کی، اوشبو ییلده قندهارده ریحان ییتیشتیریش و ریحان عسلینی ایشلب چیقریش دییرلی ۲۵ فایز آشگن، شو سببلی عسلنی صادر قیلیش امکانیتی هم یرهتیلگن و اوشبو مقدار دهگی عسل چیت ایل اولکهلریگه صادر قیلینگن.
