۱۴۰۴-ییل، عقرب آییده ۱۶ صفتسیز نفت تانکری مملکت باجخانهلریدن قیتریلگن. مالیه وزیرلیگی، بوگون (۱۲-قوس/۳-دیسمبر، چهارشنبه) ایکس صحیفهسیده بیر بیانیه ترقهتیب بو حقده خبر بیردی.
بیانیه گه کوره، اوشبو مقدار نفت تانکری مالیهوزیرلیگینینگ نفت مادهلری صفتی و نظارت قیلیش ریاستی تامانیدن، صفتسیزلیگی انیقلنیب و مملکت تورلی باجخانهلریدن قیتریلگن.
دیزل، پترول و گاز شامل اوشبو نفت تانکرلری نیمروز، حیرتان، فراه و شیرخان بندر باجخانهلریدن قیتریلگن.
بوندن آلدین هم، مالیه وزیرلیگینینگ نفت مادهلری صفتی و نظارت قیلیش ریاستی تامانیدن لابراتواری تېکشیروولردن کېین، صفتسیزلیگی انیقلنگن نفت مادهلری مملکت باجخانهلردن قیتریلگنی اېتیلگن.
صفتسیز نفت مادهلریدن قوللنیش، افغانستاننینگ بعضی شهرلریده هوا افلاسلنیشی یانیده، تورلی معمالر گه سبب بولگن.
