فلسطین ساغلیق‌نی سقلش رسمی‌لری‌نینگ اعلام قیلیشلریچه، اسرائیل آرقه‌لی نوار غزه‌نینگ بیر قطار بولیم‌لری‌گه اویوشتیریلگن ینگی هجوملر نتیجه‌سیده، کمیده ۱۶ کیشی قربان بولیب و بیر قطار کیشی ایسه یره‌لنگن.
مذکور کیشی‌لر بوگون ایرته‌لب اسرائیل کوچلری آرقه‌لی غزه‌نینگ تورلی بولیم‌لری نشان‌گه آلینگنی عاقبتیده قربان بولگنلر.
بیزلرنینگ فیسبوک صحیفه‌میزگه باش اورینگ!
فلسطین ساغلیق‌نی سقلش رسمی‌لری‌گه کوره، اوتگن کونی اسرائیل کوچلری‌نینگ غزه گه اویوشتیرگن هجوملریده ۲۳ کیشی قربان بولگن ایدی.
اسرائیل ایکی هفته آلدین امریکا‌نینگ آتیش کیسین تکلیفی قبول قیلینیشی و گروگه آلینگن‌لر‌نینگ آزاد بولینیشی اوچون حماس‌‌گه باسیم کیلتیریش مقصد، غزه گه هجوم‌لری‌نینگ ینگی باسقیچی‌نی باشله‌گن.
بیزلرنینگ «ایکس» ترماغی ده هم تعقیب قیلینگ!
فلسطین ساغلیق‌نی سقلش وزیرلیگی‌نینگ معلوماتی اساسیده، اسرائیل بیلن حماس آره‌سیده اوروش باشلنگنی‌دن حاضرگچه فلسطین‌لیک ۵۰ مینگ ۳۹۹ کیشی قربان بولیب و ۱۱۴ مینگ ۵۸۳ کیشی یره‌لنگن. شونینگدیک بو مدت‌ده، اسرائیل‌لیک بیر مینگ ۱۳۹ کیشی هلاک بولگن.
