بلخ معارف ریاستی مسئوللری نینگ ایتیشلریچه، اوشبو ولایت‌ده ۱۵۲ میلیون افغانی خره‌جت بیلن تورت مدرسه و بیش مکتب گه ینگی بنالر قوریلگن.
اولر گه کوره، اوشبو مدرسه‌لر و مکتب‌لر بوگون (دوشنبه، ۱-اسد)، معارف وزیرلیگی سرپرستی حبیب‌الله آغا نینگ حضوری بیلن آچیلیب و فایده‌لنیش گه تاپشیریلگن.
بیزلرنینگ «ایکس» ترماغی ده هم تعقیب قیلینگ!
بلخ معارف باشلیغی عبدالجلیل شهید‌خیل نینگ ایتیشیچه، مذکور مدرسه‌لر و مکتب‌لر اوشبو ولایت مرکزی مزارشریف و تومن‌لریده قوریلگن.
بلخ معارف باشلیغی گه کوره، دولتی بیش مکتب بناسی نینگ قوریلیشی ۹۷ میلیون افغانی و تورت مدرسه بناسی نینگ قوریلیشی ایسه ۵۵ میلیون افغانی خره‌جت کوتاریب و سرپرست حکومت، یاردم بیرووچی نهادلر و سوداگرلر آرقه‌لی توللنگن.
شونده‌ی بیرحالده، معارف وزیرلیگی سرپرستی حبیب‌الله آغا، معارف برابریده‌گی قیین‌چیلیکلر نی توپلش مقصد بلخ گه قیلگن سفری‌ده، مذکور ولایت‌ده مکتب‌لر قیین‌چیلیگی حلی اوچون سعی‌وحرکتلرنی بیان قیلگن.
بیزلرنینگ فیسبوک صحیفه‌میزگه باش اورینگ!
معارف وزیرلیگی سرپرستی نینگ ایتیشیچه، مکتب‌لر اوچون ستندرد بنالر کم‌لیگی یانیده، شونینگدیک اوقیتووچیلری اوچون قریب ۴۰ مینگ خالی بست هم بار.
باشقه بیر تاماندن، اوشبو مکتبلردن قوللنه‌دیگن محل یشاوچیلردن قطاری خورسند‌لیک قیلیب و ایتیشلریچه، اوتگن ییل‌لرده ستدرد صنفلر یوقلیگی سبب باله‌لری دایم کسل بوله‌ر ایکن.
رسمی معلوماتلر اساسیده، حاضر هم بلخ ده قریب ۱۱۷ دولتی مکتب بناسی نینگ قیته قوریلیشی و ینگی بنا قوریلیشی گه نیازی بار.
