اسلام امیرلیگی کانلر و پترولیم وزیرلیگی، تاپی لایحهسینینگ افغانستان حدودلریدهگی ایشلری جدل صورتده دوام ایتهیاتگنینی معلوم قیلدی.
کانلر و پترولیم وزیرلیگی سوزلاوچیسی همایون افغان، بوگون (۶ دلو/ ۲۶ جنوری، دوشنبه) ایتیشیچه، تاپی لایحهسینینگ افغانستان حدودلریده تیکیسلش ایشی ۸۸ کیلومتر یکونلنگن.
تاپی لایحهسینینگ ۷۲ کیلومتر سرک ایشی و ۱۵ کیلومتر لوله تارتیش ایشی یکونلنگنینی قوشیمچه قیلگن، همایون افغان.
تاپی لایحهسی، منطقهوی قوشمه لایحه بولیب و عملگه آشیریلگن حالده، تورکمنستان گازی افغانستان آرقهلی پاکستان و هندوستان گه انتقال بیریلهدی. تاپی لایحهسی لوله تارتیش چیزیغی بیر مینگ ۸۱۴ کیلومتر اوزونلیگی بولیب – ۲۰۷ کیلومتری تورکمنستان حدودلری، ۷۷۴ کیلومتری افغانستان توپراغی و ۸۲۶ کیلومتری پاکستاندن هندوستان چیگرهسیگچه دوام تاپهدی.
