کوچلی بورانلر، یاغینگرچیلیک و بنالر قولهشی عاقبتیده، فلسطینلیک آواره عایلهلر اولیم خوفی آستیده قالیب و یالغیز اوتگن بیر کیچهوکوندوزده ۱۴ کیشی قربان بولگن.
الجزیره خبری ترماغینینگ بوگون (۲۲-قوس، شنبه)، گزارش بیریشیچه، «بایرون» بورانی نتیجهسیده کمیده ۱۴ فلسطینلیک قربان بولگن.
بو بیلن بیرگه، نوار غزه کسلخانهلریده طبی منبعلر، ساووققه تیگیشلی اولیم خواطرلری کوپهیگنیدن آگاهلنتیرگنلر.
مسئوللرنینگ آگاهلنتیریشیچه، ۷۶۱ کمپدهگی قریب ۸۵۰ مینگ کیشی، کوچلی یاغینگرچیلیکلر، سوو تاشقینی و بوران طفیلی خوفلر آستیده قرار تاپگن.
ایکی ییلدن بیری اسرائیل بمباردمانی اوچون بیر ییردن باشقه ییرگه یوباریلهدیگن عایلهلر، حاضر ایسه «قیینچیلیکلرنینگ ینگی باسقیچی» بیلن روپهره بولگنلر.
