غزه ده ساغلیقنی سقلش رسمیلرینینگ ایتیشلریچه، ینگیلیکده اسرائیل آرقهلی غزهنینگ بیر قطار بولیملری نشانگه آلینگنی نتیجهسیده، کمیده ۱۱ کیشی قربان بولگن.
الجزیره آژانسینینگ گزارش بیریشیچه، اسرائیل اردوسی بوگون (۱۶-ثور، سهشنبه)، غزهنینگ بیر قطار بولیملرینی بمباردمان قیلگن.
بیزلرنینگ فیسبوک صحیفهمیزگه باش اورینگ!
خلقارا ییتکرمهلر آرقهلی ترقهتیلگن معلومات اساسیده، اوتگن کونی اسرائیلنینگ یمن، لبنان، سوریه و غزه گه اویوشتیرگن هوا هجوملری عاقبتیده، کمیده ۵۴ کیشی قربان بولگن.
ینگیلیکده اسرائیل باش وزیری بنیامین نتانیاهو، حماسنینگ «بوتون مغلوب قیلیش» مقصد غزه گه هجوملرینینگ کوچهیشینی بیان قیلگنی بیرحالده، بو مملکت اردوسی آرقهلی غزه گه هوا هجوملری اویوشتیریلیشی کوپهیگن.
نتانیاهو گه کوره، مملکتینینگ امنیتی اوچون غزه دن ایکی میلیون فلسطینلیکنینگ باشقه ییر گه جایلشتیریلیشی ممکن.
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، حماس ییریک رسمیلریدن بیری باسم نعیمنینگ ایتیشیچه، اسرائیل تامانیدن غزهنینگ محاصره بولگنی و بمباردمان بولیشی دوام قیلگونگه قدر، «ینگی آتیش کیسین تکلیفلری تیکشیریلیشی و مذاکره» نینگ معناسی یوق.
فلسطین ساغلیقنی سقلش وزیرلیگی نینگ معلوماتی اساسیده، اسرائیل و حماس آرهسیده اوروش باشلنگنیدن حاضرگچه، فلسطینلیک ۵۲ مینگ ۵۶۷ کیشی قربان بولیب و ۱۱۸ مینگ ۶۱۰ کیشی یرهلنگن.
