مملکت ساغلیق‌نی سقلش وزیرلیگی مسئوللری، قویاش ۱۴۰۴-ییل، ۴-حمل، دوشنبه کونی کابل‌ده خلق‌ارا سل (توبر کلوز) کسللیگی گه قرشی کوره‌ش مناسبتی بیلن اوتکزیلگن ییغیلیش‌ده ایتیشلریچه، هر ییلی قریب ۷۵ مینگ کیشی سل کسللیگی گه چلینه‌دی، اوشبو کسللیک طفیلی افغانستان‌ده هر ییلی ۱۰ مینگ کیشی وفات اېته‌دیلر.
ساغلیق‌نی سقلش وزیرلیگی‌نینگ طبی خذمت کورسه‌تیش ایشلری بوییچه اورین باسری عبدالولی حقانی گه کوره، بو وزیرلیک یالغیزلیک بیلن سل کسللیگی آلدینی آلالمه‌یدی شونی اوچون بوتوغریده تشکیلات‌لر و خلق‌ارا موسسه‌لر یاردمی گه محتاج دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «خلق‌ارا ساغلیق‌نی سقلش تشکیلاتی‌نینگ تخمینی اساسیده، هر ییلی ۱۰۰ مینگ کیشی‌دن ۱۸۰ کیشی سل گه چلینه‌دی بو رقم افغانستان‌نینگ اهالیسی گه قره‌گنده ۷۵ کیشی گه یېته‌دی و تخمین اساسیده افغانستان‌ده هر ییلی قریب ۱۰ مینگ کیشی وفاته اېته‌دی و بو وزیرلیک یالغیزلیک بیلن سل کسللیگی آلدینی آلالمه‌یدی و خلق‌ارا موسسه‌لر بوتوغریده افغانستان ساغلیق بولیمینی قۉللب-قوتلشی کېره‌ک.»
عین‌حالده، افغانستان‌ده خلق‌ارا ساغلیق‌نی سقلش تشکیلاتی مسئوللری، اوتگن ییل‌ده مملکت‌ده سل کسللیگی ۳.۳ فایز کوپه‌یگنینی معلوم قیله‌دیلر.
افغانستان‌ده خلق‌ارا ساغلیق‌نی سقلش تشکیلات باشلیغی ادوین سینینرا سالوادرو گه کوره: «اوتگن میلادی ییل‌ده، افغانستان‌ده ۵۰ مینگ‌دن کوپراق توبرکلوز مثبت واقعه‌سی ثبت بولگن و اوندن بیر ییل آلدین ۴۹ مینگ‌دن آرتیق واقعه ثبت بولگن اېدی، بو معلومات اساسیده افغانستان‌ده سل کسللیگی ۳.۳ فایز کوپه‌یگن و اونگه قرشی کوره‌ش اوچون تلاش قیلماقده‌میز.»
بیزلرنینگ «ایکس» ترماغی ده هم تعقیب قیلینگ!
سل کسللیگی گه قرشی کوره‌ش مناسبتی بیلن اوتکزیلگن ییغیلیش‌ده قتنشگن افغانستان‌ده بیرلشگن ملتلر تشکیلاتی‌نینگ ترقیاتی دستور مسئوللری، مملکت‌ده سل کسللیگی یوق اېتیلیشی گه تأکید اېتگنلر.
اوشبو تشکیلات باشلیغی ستیفن رادریکاوس‌نینگ ایتیشیچه: «بوگون توبرکلوز گه قرشی کوره‌ش خلق‌ارا کونی تېنگ دیر، هه بیز قیله آله‌میز تعهد، سرمایه یاتقیزیش و توبرکلوز ریجه‌لرینی عملگه آشیریش بیلن افغانستان‌ده یوق اېسته‌ی.»
شو بیلن بیرگه، اوشبو ییغیلیش‌ده ساغلیق‌نی سقلش وزیرلیگی‌نینگ سل کسللیگنی کنترول قیلیش بوییچه باشلیغی علی‌محمد امین، بو کسللیک‌نی یوقوملی دیب، اوزاق یوته‌لیش، ایسیتیش، کیچه تاماندن تیرلش‌نی، اونینگ نشانه‌لریدن دیېدی.
او، یشاوچیلردن اوشبو کسللیک آلدی آلینیشی اوچون وقتیده ساغلیق مرکزلر گه مراجعت قیلیش‌نی مصلحت بیره‌دی. «مملکت‌ده توبرکلوز جدی کسللیک‌لردن سنله‌دی که مینگلب عایله گه تأثیر قویگن و بو مرکز اوشبو کسللیک آلدی آلینیشی اوچون جدی اقدام قیلماقده و اهالی‌دن یوته‌لیش‌لری بیر هفته دوام اېسته شفاکار گه مراجعت قیلیش‌لرینی اېسته‌یمیز.»
۲۴-مارچ، خلق‌ارا ساغلیق‌نی سقلش تشکیلاتی تامانیدن سل کسللیگی آلدینی آلیش کونی اوله‌راق ناملنگن.
