اسلام امیرلیگی فواید عامه وزیرلیگینینگ اعلام قیلیشیچه، اوتگن بیر ییلده چین، قرغیزستان، اوزبیکستان و افغانستان آرهسیدهگی قوشمه اقتصادی دهلیز آرقهلی سوداگرلیک توارلر یوکلنگن ۱۰ مینگ کانتینر بلخ ده حیرتان بندریگه ییتکزیلگن.
فواید عامه وزیرلیگینینگ تیمیر یولی بوییچه اورینباسری محمداسحاق صاحبزاده، ۱۰-ثور، بلخ ده اوتکزیلگن خبری بیر ییغیلیشده ایتیشیچه، مذکور اقتصادی دهلیز ۲۰۲۳-ییلده آچیلیب و سوداگرلیک توارلر ییتکزیلیشی توغریسیده کوپینچه آسایشتهلیکلرنی یرهتگن.
بیزلرنینگ فیسبوک صحیفهمیزگه باش اورینگ!
او، بو یولنی تینچ، تیز و نسبتاً ارزان دیگن. صاحبزاده، افغانستاننینگ دنیا و منطقه مملکتلری اوچون اونملی ترانزیتی یولگه اوزگریش امکانیتیگه ایگه بولگنینی اورغولهب، قوشنی همده باشقه مملکتلر بیلن اقتصادی همکارلیکلر کوچهیشینی ایستهگن.
مذکور ییغیلیشده، افغانستان ده چین ایلچیسی جاوشینگنینگ ایتیشیچه، ۲۰۲۴-ییلده افغانستان و چین آرهسیده ایکی تامانلمه تجارت ارزشی بیر میلیارد ۵۰۰ میلیون دالر بولگن که بو رقم اوندن آلدینگی ییلگه قرهگنده ۱۹ فایز آشیشنی کورستهدی.
بیزلرنینگ «ایکس» ترماغی ده هم تعقیب قیلینگ!
بو بیلن بیرگه، بلخ سودا و سرمایه یاتقیزیش اتاقی مسئوللری، بو پروسهنی افغانستان اقتصادی رواجلنیشی توغریسیده سعیوحرکت دیگنلر.
