اسلام امیرلیگی مالیه وزیرلیگینینگ اعلام قیلیشیچه، هرات ده اسلامقلعه باجخانهسیده، قریب ۱۰۰ تُن قاچاقی و صفتسیز پترول و دیزل یوق قیلینگن.
مذکور وزیرلیک، بوگون (۸-قوس، شنبه)، بیر بیانیه آرقهلی اکس صحیفهسیده یازیشیچه، بو مقدار نفت قاچاقچیلر آرقهلی تورلی پیتلرده و یاشیرین شکلده تجاری موترلرده افغانستان گه کیلتیریلگن.
بیانیهده کیلیشیچه، باجخانه مسئوللری تیکشیروولردن کیین بو مادهلرنینگ صفتسیزلیگینی تصدیقلب و محکمه حکمی اساسیده، اوشبو نفت مادهلری یوق قیلینگن.
مالیه وزیرلیگینینگ اورغولشیچه، تجاری توارلردن برچهسی افغانستاننینگ باجخانهلریده دقت بیلن تیکشیریلیب، تقیقلنگن یا-ده صفتسیز توارلرنینگ کیلتیریلیشی یا-ده صادر بولیشی توغریسیده، هیچ کیمگه رخصت بیریلمهیدی.
